POP 5

Lajmet më të lexuara të 5 minutave të fundit

Kronikë

Tiranë/ Zona e 'Misto Mames' 'njollë' aksidentesh! Rruga që lidh Kombinatin me Yzberishtin si në Kabul, eksperti: Faji i këmbësorëve e shoferëve, jo i sinjalistikës

Zona e “Misto Mames” në Tiranë është kthyer në një nga zonat më të rrezikshme për qarkullimin. Aksidentet me pasoja të lehta janë të përditshme, por janë shënuar edhe viktima. Eksperti Arben Luzi thotë për Report Tv se problemi është tek edukimi i paktë i kalimtarëve dhe shoferëve, kurse sinjalistika është e rregullt.

Drejtuesi i motorrit me këtë manovër mund të përfundojë nën rrota të makinës. Ose mund të marrë para ndonjë kalimtarë.

Këta këmbësorë qëndrojnë në mes të rrugës pa u shqetësuar për makinat apo shoferët e acaruar që u bien borive. Ishin me fat për sa kohë nuk pati ndonjë mjet më shpejtësi shketerrë. 

Pamjet janë xhiruar në zonën e “Misto Mames”, në kryqëzimin e rrugëve “Konferenca e Pezës” dhe “Bego Hoxha”. Mu në këtë vend, të mërkurën humbi jetën një burrë, i cili po lëvizte me biçikletë. Ai u përplas nga një kamion dhe përfundoi poshtë rrotave. 55-vjeçari nuk arriti të mbijetonte.

100 metër më larg, një grua humbi jetën në datën 17 gusht. Dy automjete përplasën 50-vjeçaren njëra pas tjetrës. Në “Misto Mame” të ofrohet dhe kjo pamje e makinave të parkuara në trotuar.

Kjo zonë, deri në Kombinat njihet për numrin e lartë të aksidenteve çdo ditë. Ekspertët rrugor shkakun nuk e gjejnë tek sinjalistika. Sipas tyre, gjithçka është sipas rregullave, por moszbatimi i tyre nga drejtuesit e mjeteve dhe kalimtarët, sjellin pasoja fatale.

“Po të shohësh sinjalistikën, vë re që gjithçka është në rregull. Është në rregull edhe me vijat e bardha, tek të cilat mund të kalojnë edhe përdoruesit e biçikletave, edhe semaforët. Por, problemi është tek qytetarët, këmbësorët dhe drejtuesit e mjeteve, tek të cilët mungon edukimi dhe nuk respektohen rregullat e qarkullimit”, thotë eksperti rrugor Arben Luzi.

Në këtë rrugë është investuar disa vite më parë për shtim semaforësh dhe vendosjen e trafik-ndarësve, por aksidentet nuk janë ulur.

“Disa vite më parë u investua edhe për trafik-ndarësen në këtë rrugë, por siç edhe duket nuk ka shërbyer për uljen e aksidenteve”, përfundon eksperti.

Shqetësim mbetet edhe për banorët e zonës, të cilët janë të detyruar të lëvizin çdo ditë.

“Në këtë zonë ka shumë aksidente. Vetëm në këtë vit kanë vdekur shumë njerëz nga përplasjet, në mesin e tyre edhe gra”, shprehen banorët.

Përveç problemit të aksidenteve, në zonë krijohet trafik i rënduar. “Misto Mame” shërben si rrugë lidhëse me Kombinatin dhe Yzberishtin në Tiranë, për të vijuar më tej deri në Kavajë në rrugën e vjetër.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15