POP 5

Lajmet më të lexuara të 5 minutave të fundit

Kronikë

Tiranë/ Shantazhuan dy qytetarë me 1000 euro gjobë, “Xhamlliku” prangos 3 të dyshuarit, dy prej tyre të mitur (EMRI)

Komisariati nr. 4 mori denoncimet nga qytetarët se ishin kërcënuar dhe gjobitur. Pas hetimeve u arrestuan Lulzim Kërçiku dhe ndihmësit e tij, 16 dhe 17 vjeç

Tiranë/ Shantazhuan dy qytetarë me 1000 euro gjobë, “Xhamlliku” prangos 3 të dyshuarit, dy prej tyre të mitur (EMRI)

Komisariati nr. 4 në Tiranë

Tiranë- Një grup që shantazhonte për qëllime përfitimi persona të ndryshëm, ka rënë sot (2 Shtator) në prangat e policisë së kryeqytetit.

Komisariati nr. 4 njoftoi se finalizoi operacionin e koduar "Xhamlliku" dhe arrestoi të dyshuarin Lulzim Kërçiku, 20 vjeç dhe dy ndihmësit e tij të mitur, 16 dhe 17 vjeç, emrat e të cilëve nuk u bënë të ditur.

Hetuesit kanë dokumentuar dy nga ngjarjet e kësaj natyre, që kanë për autorë të dyshuar tre të ndaluarit, teksa emrat e të miturve nuk u publikuan për shkak të moshës së mitur.

Akuza ndaj tyre është "shtrëngimi me anë të kanosjes ose dhunës për dhënien e pasurisë", e kryer në bashkëpunim, e parashikuar nga neni 109/b i Kodit Penal.

“Këta shtetas në bashkëpunim me njëri-tjetrin, dyshohet se shantazhonin me anë të kanosjes, persona të ndryshëm, për dhënie pasurie, për shuma që varionin deri në 1000 Euro”, njoftoi Policia e Tiranës për rastin.

Por nuk ka dhënë detaje të mëtejshme se me çfarë i shantazhonin, nëse kanë qenë foto apo video intime, apo hakërrimet e adresave të rrjeteve sociale. Çështja i ka kaluar për hetime të mëtejshme Prokurorisë së Tiranës dhe po verifikohet për ankesa apo denoncime të tjera ndaj këtij grupi.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PD gris mesazhin e Begajt për sesionin e ri parlamentar, si e vlerësoni?

Lajme të tjera



×

Lajmi i fundit

Ishte dëbuar nga Italia pas dënimit për narkotrafik, por rikthehet ilegalisht me identitet tjetër! Arrestohet 34-vjeçari shqiptar, me precedentë të shumtë

Ishte dëbuar nga Italia pas dënimit për narkotrafik, por rikthehet ilegalisht me identitet tjetër! Arrestohet 34-vjeçari shqiptar, me precedentë të shumtë

3 Shtator, 08:03