Shkollat 9 vjeçare të Tiranës janë të papërgatitura për të pritur nxënënsit në shtator. Ato nuk ofrojnë kushte për mësim-dhënie sepse lagështia dhe të çarat në mure janë të shumta. Në shkollat 9 vjeçare të kryeqyetetit nuk mund të bëhet mësim dhe për këtë arsye nuk do të hapen për nxënësit në shtator është shprehur Mhill Gecaj, drejtor i drejtorisë së Shëndetit Publik. "Kongresi i Lushnjës"," Siri Kodra", "Ahmet Gashi", Niket Dardani,"Luigj Gurakuqi" janë pesë shkollat të cilat ofrojnë kushte të mjerueshme për nxënësit.

Në to ka mugensë të dritareve, dyerve dhe higjena lë për të dëshiruar. Sipas tij nëse këto shkolla nuk do të përmirësohen deri më 10 shtator kur fillon zyrtarisht mësimi, ato nuk do të kenë leje nga Insitituti i Shëndetësisë për t'u hapur. Prandaj rrezikojnë që të mbyllen, duke lënë pa mësim shumë nxënës, por edhe të papunë shumë mësues. Çdo shkollë duhet të paraqes një çertifikatë e cila vërteton se ajo i përmbush kushtet higjieno- sanitare.

 Dorëzimi i një çertifikate që deklaron se çdo shkollë është në gjendje shumë të mirë si higjenike edhe nga ana pajisjeve kjo ndodh për herë të parë këtë vit. Kjo proçedurë nuk po bëhet vetëm për shkollat 9 vjeçare, por është e vlefshme për kopshtet apo edhe çerdhet. Sipas autoriteteve të shëndetësisë edhe në këto objekte shfaqet e njëjta problematikë, ku më e theksuar është ajo e mungesës së higjienës. Probleme më të theksuara janë lavamanë të prishur, tubacione të bllokuara, apo rubineta që mungojnë. Ndërkohë që herë pas here ka pasur probleme në furnizimin me detergjentë dhe lëndë denzifektuese. "Në të gjitha shkollat do kërkohet për herë të parë edhe certifikata që do të bëhet dezinfektimi,i të gjitha godinave dhe pajisjeve të tyre me çertifikatë që tregon se ky është një shërbim pranë këtyre institucioneve, pra përmbushëm dhe këtë standard që ka munguar në vitet e kaluara", thotë Gecaj. Janë 5 shkolla si perifirerike ose jo, të cilat rrezikohen të mbyllen, duke mos qenë gati për mësim-dhënie. Nga drejtoria e Institutit Publik kërkohet që të arrihen rezultatet e duhura që mundësojnë një ambient shkolle brenda standardeve dhe nëse deri më 10 shator këto kushte nuk janë plotësuar atëherë këto shkolla do të mbyllen. Kjo është një procedurë e cila do të ndiqet për çdo shkollë dhe për të gjitha do të merren masa nëse nuk janë në gjendje për të dhënë mësim. Janë disa standarde që duhet të plotësohen dhe këto kërkohen në mënyrë kategorike për çdo shkollë 9 vjeçare, për çdo kopësht, për çdo çerdhe. Kjo sipas Institutit të Shëndetit Publik ndikon pozitivisht tek çdo nxënës dhe krijon kushte më të mira për të përmbushur një orë apo më shumë orë mësim.
(Shkrimi eshte marre nga gazeta Shqiptarja.com)