Tiranë/ Shpërndanin kanabis në lokal, në pranga pronari dhe kamarieri! Sekuestrohen 338 gramë kanabis

Foto ilustruese

TIRANË - Dy persona janë arrestuar nga policia e Tiranës pasi kanë përshtatur një lokal për shpërndarjen e lëndëve narkotike.

Policia ka arrestuar 49-vjeçarin me iniciale I.D. pronari i lokalit në zonën e "Komunës së Parisit" si dhe një 25-vjeçar me iniciale O.N., punonjës në këtë subjekt.

Sipas policisë, ata shpërndanin lëndë narkotike për klientët. Autoritetet kanë sekuestruar 338 gramë kanabis, një shumë parash dhe 4 aparat celularë.

Gjithashtu nën hetim janë 4 persona, klientë të këtij lokali të cilët janë kapur duke konsumuar lëndë narkotike.

"Mbi bazën e këtyre informacioneve u organizua puna dhe u bë ndërhyrja nga sherbimet e policisë në lokalin në pronësi të shtetasit I.D., dhe punonjës O.N., ku u gjetën dhe u sekuestruan rreth 388 gramë lëndë narkotike kanabis, mbetje pluhur me lëndë narkotike kokainë, një shumë pararash të dyshuara të përfituara nga shitja e lëndës narkotike, dhe 4 aparat celular" - njofton policia.

Materialet proceduriale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale ”Prodhimi dhe shitja e narkotikëve”, e kryer në bashkëpunim.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

Fundi i ‘epokës’ së Merkel, kancelarja ‘e hekurt’ do të përcillet me këngë lamtumire