FOTO + VIDEO/ Tritol lokalit në rrugën 'Sali Butka' në Tiranë, dëme të shumta materiale! Dëmtohen edhe dy biznese ngjitur

TIRANË- Një shpërthim tritoli ka ndodhur orët e para të mëngjesit në Tiranë. Mësohet se lënda plasëse është vendosur në ambientet e jashtme të një lokali në rrugën “Sali Butka”.

Si pasojë e shpërthimit ka pasur dëme të shumta materiale, ndërsa lokali rezulton në pronësi të një 40-vjeçari, i identifikuar si Armand Xhaferraj. Report Tv solli pamje nga lokali që i është vendosur tritoli, ndërsa shihet se dëmet janë të mëdha. Lënda plasëse është vënë në derën e jashtme dhe ka shkaktuar dëme edhe në dy biznese ngjitur, një zyrë dhe një biznes me pjesë këmbimi për automjete.

“Më datë 28.11.2023, rreth orës 05:00, është marrë njoftim se në rrugën “Sali Butka”, në ambientet e jashtme të një lokali në përdorim nga shtetasi Armand Xhaferraj, 40 vjeç, dyshohet se ka shpërthyer lëndë plasëse, dhe si pasojë ka vetëm dëme materiale”, njofton policia.

LEXO EDHE:
Basketboll meshkuj/ Besëlidhja 'ia merr dorën' Tiranës, e mposht edhe në ndeshjen e dytë dhe shkon në finale

Report Tv mëson se 40-vjeçari Xhaferraj e ka marrë me qira ambientin ku punon me lokalin. Dyshohet se lënda plasëse është vendosur për 40-vjeçarin pas një sherri për tokën përballë lokalit, tokë e cila shërben si parking privat krah pallatit 10-katësh që u shkrumbua nga flakët pranë ish-parkut të autobusëve.

Pas shpërthimit, policia ka marrë në pyetje pronarin e lokalit, si edhe rojën e parkimit në pallatin përballë, i cili gjatë ngjarjes ka qenë në punë turni i tretë. Vetë lokali ku ka ndodhur shpërthimi nuk ka kamera, por pritet që policia të vëzhgojë kamerat e sigurisë në bizneset pranë që mund të ndihmojnë në identifikimin e autorit/ëve.

(Kliko këtu për të parë dokumentin e plotë)

Rendit zhvillimet sipas orarit:

Të Fundit Të Parat

SI.E./Shqiptarja.com

TAG:
• Armand Xhaferraj
• Tirane
• tritol