POP 5

Lajmet më të lexuara të 5 minutave të fundit

Kronikë

Tiranë/ Tensione në seancën e Dan Hutrës! Autori i vrasjes së trefishtë ballafaqohet me të dënuarin të cilit i vrau motrën: Gjakun nuk e fal! Refuzoj të jap deklarime para kësaj monstre

Tensione në seancën e sotme për Dan Hutrën në Gjykatën e Tiranës. Në gjyq ishte ftuar një i dënuar, Vladimir Kurtin me të cilin Hutra dikur ndante qelinë, por që më pas i vrau motrën për të dhënë deklarime. 

TIRANË - Është shoqëruar me tensione ne gjykatën e Tiranës  seanca e sotme (14 nentor) për gjyqin e Dan Hutrës, autorin e vrasjes së 3 grave dhe plagosjes së 3 të tjerave.Me kërkesë të prokurorisë në Gjykatën e Tiranës ishte shoqëruar nga burgu për të dëshmuar Vladimir Kurti, një i dënuar përjetë, të cilit në mars të vitit të kaluar Hutra i vrau të motrën Etleva Kurti teksa ajo ishte në oborrin e banesës. Kurti refuzoi të jepte deklarime, teksa iu drejtua të pandehurit, që dikur kishte ndarë qelinë me të, si monstër, duke paralajmëruar se nuk e fal vrasjen e motrës së tij.

 “Gjakun e motrës sime nuk than dheu, nuk e fal. Ai është vrasës, ka futur në dhe 4 gra, refuzoj të japë deklarime përballë këtij monstre”, deklaroi Vladimir Kurti në sallën e gjyqit, teksa në kafazin prej qelqi, Dan Hutra u shfaq i qetë dhe duke qeshur në një kohë që dëshmitari fliste.

Në këto kushte Seanca u shty për në datën 5 dhjetor në orën 12:30, ku do të vijojë procesi gjyqësor, për autorin e vrasjes së trefishtë, ngjarje të cilën e kreu kur sapo kishte dalë nga burgu ku ishte dënuar për vrasjen e ish-bashkëshortes.

40-vjeçari Dan Hutra, është në pritje të gjykimit për masakrën e 1 marsit 2023 ku brenda pak orëve ka plagosur me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj) dhe ka vrarë me armë zjarri Mevlute Hysën 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).

Pas vrasjes në Kodër Kamëz, autori lëvizi në rrugën “Besëlidhja”, Bathore ku ka ndaluar te banesa e familjes Kurti, ku ka vrarë me armë zjarri shtetasen Etleva Kurti, 31 vjeçe.

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sekretari i gjykstes: 14/11/2024 18:17

    te kishe hyre me arme aty,,,dhe ta kishe vrare kete qen ...do na kishe kursyer letra e boje....

    Përgjigju
  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

‘Pse nuk bëni trena’, Rama i kthehet komentuesit: Ne nuk kishim rrugë për të shkuar në aeroport, ç’më diskutoni hekurudha

‘Pse nuk bëni trena’, Rama i kthehet komentuesit: Ne nuk kishim rrugë për të shkuar në aeroport, ç’më diskutoni hekurudha

27 Mars, 09:05