POP 5

Lajmet më të lexuara të 5 minutave të fundit

Kronikë

Tiranë/ Tentuan t’i merrnin një biznesmeni 100 mijë euro duke u hequr si zyrtarë të lartë, arrestohen babë e bir! Në kërkim organizatori (EMRAT)

Bedri dhe Albert Vodha (babë e bir) kishin krijuar një skemë kriminale me në krye organizator Florian Gjergji, ku me anë të mashtrimeve, duke u hequr si zyrtarë i kanë marrë kërkuar një biznesmeni shqiptar shumën prej 100 mijë euro.

Dy persona u arrestuan nga policia dhe një tjetër u shpall në kërkim me akuzën se tentuan t’i marrin një biznesmeni 100 mijë euro me anë të mashtrimit. Policia e Tiranës tha se pas kësaj skeme fshihet një person i tretë, Florian Gjergji, i shpallur në kërkim, i cili i është prezantuar biznesmenit, si zyrtar i lartë.

Shuma e parave – sipas hetuesve – i është kërkuar sipërmarrësit me anë të mesazheve në rrjetin social Telegram nga Florian Gjergji, i cili përveçse dyshohet si organizator, ka pasur rolin personit që mbante komunikimin me të dëmtuarit. Pas denoncimit të biznesmenit, policia ka organizuar shërbimet për të mbajtur në mbikqyrje personat që do takoheshin me të për dorëzimin e parave. Babë e bir Bedri dhe Albert Vodha, 54 dhe 24 vjeç, u ndoqën nga forcat e policisë, deri në momentin kur u arrestuan në flagrancë, para se të merrnin shumën e parave.

Nga hetimet, grupi i hetimit ka dyshime se të tre këta persona janë autorë edhe të një rasti tjetër të ngjashëm, në mars të këtij viti në Tiranë, ku me anë të mashtrimit, duke u prezantuar si zyrtarë të lartë, i kanë marrë një shumë të madhe parash një tjetër biznesmeni. Blutë e Tiranës sekuestruan 70 000 euro dhe 2 automjete që dyshohet se të akuzuarit kanë përfituar përmes mashtrimit. Në janar të këtij viti policia e Tiranës goditi edhe një tjetër rast të ngjashëm të kërcënimit të biznesmenëve përmes telefonatave dhe mesazheve për të dhënë shuma të konsiderueshme parash.

Një grup personash nga Shkodra ranë në pranga me akuzën se kishin kërcënuar një biznesmen ndërtimi të cilit i kërkonin 130 mijë euro duke u prezantuar si zyrtarë të lartë të administratës shtetërore. Edhe në këtë rast sipërmarrësi i kërcënuar denoncoi autorët të cilët ranë në prangat e policisë në momentin që u paraqitën për të marrë në dorëzim shumën e parave.

B.K./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • doppivetrimaltese: 06/05/2023 15:08

    ironikisht mbiemri i te dyve eshte Vodha....

    Përgjigju
    • Agjenti: 06/05/2023 21:55

      Hahahahahhaha tamom

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56