POP 5

Lajmet më të lexuara të 5 minutave të fundit

Kronikë

Tritol pas mesnate dyqanit të kozmetikës në Tiranë! Shpërthimi për 4 minuta, autori ndezi fitilin e lëndës plasëse që në makinë

Report Tv ka arritur të shohë videon me pamjet e ngjarjes në sheshin ‘Wilson’ në Tiranë, ku një sasi tritoli shpërtheu dhe dëmtoi dyqanin kozmetikë. Në pamje, është një burrë i maskuar me kapuç i cili ndalon 50 m larg objektit dhe vendosi pakon e eksplozivit poshtë derës ndërsa fitilin e ndezi sapo zbriti nga makina.

Një minutë para se tritoli të shpërthente tek dyqani i kozmetikës në Tiranë, kaluan dy udhëtarët të rastit, por që për fat nuk u lënduan.

Nga kamerat e sigurisë është filmuar momenti kur është shfaqur një makinë e zezë që ndalon pak minuta pas mesnate, 50 metra larg sheshit “Wilson”. Nga aty një person, në dukje i ri vrapoi drejt derës së dyqanit.

I veshur nga këmbët  te koka me të zeza dhe me kapuç, mbante eksplozivin në dorë, me fitil rreth 15 cm të ndezur dhe brenda 5 sekondave e la poshtë derës së dyqanit për tu larguar më pas me të njëjtën makinë.

U deshën 4 minuta që pako me rreth 50 gr tritol, të shpërthente në objektin kozmetik “Divine by Nisa” të Enisa Pirollit.  Goditja ishte e fuqishme aq sa zhurma u dëgjua në një pjesë të Tiranës. Dëmet ishin të mëdha, xham të thyer, orenditë brenda të shkatërruara.

Enisa Pirolli kishte ardhur nga Laçi, dhe 4 muaj më parë e mori këtë ambient me qira. Paraprakisht hetuesit dyshojnë që ngjarja ka lidhje me konkurrencën, por nuk përjashtohet mundësia e ndonjë konflikti tjetër dhe të jetë për kërcënim. Megjithatë Pirolli ka mohuar të ketë probleme më njeri. Shpërthimi dëmtoi edhe kabujt elektrik, dhe i gjithë pallati mbeti pa energji dhe OSHEE nisi punën për rikthimin e saj.

Pamja e dyqanit pas shpërthimit

(Kliko këtu për ekstraktin e regjistrit tregtar të biznesit)

Rendit zhvillimet sipas orarit:
Ora 14:27
Tritoli ne Tiranë, si shpëtuan mrekullisht dy kalimtarë, 1 minutë pasi kaluan shpërtheu lënda plasëse

1666182606_Capture.JPG

Në shpërthimin me tritol pas mesnatës në Tiranë kanë shpëtuar mrekullisht 2 kalimtarë. Ata kanë kaluar rastësisht 1 minutë para se tritoli të shpërthente tek dyqani i kozmetikës në Tiranë, kaluan dy udhëtarët të rastit, por që për fat nuk u lënduan.

Ora 10:31
Tritoli ndaj biznesit në ish-Bllok, dyshohet për shkak të konkurrencës! Autori i maskuar me kapuç e vendosi lëndën plasëse poshtë derës

1666168798_ddd.JPG

Enisa Pirolli kishte rreth katër muaj që e kishte marrë ambientin me qira për të ushtruar aktivitetin e biznesit, vinte nga Laçi për të punuar. Paraparakisht hetuesit dyshojnë që sasia e tritolit të jetë vendosur për shkak të konkurrencës, por nuk përjashtohet mundësia e ndonjë konflikti tjetër. Sasia e tritolit ka qenë rreth 50 gramë, teksa autori është kapur nga kamerat e sigurisë të bizneseve përreth. Ka qenë me një bluzë me kapuç, e ka lënë në pjesën e poshtme të derës, e ka ndezur dhe është larguar.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51