Tiranës i shtohet gjelbërimi, rikualifikohen hapësirat e gjelbërta edhe nëpër lagje

Bashkia e Tiranës njofton se vijon punën për rikualifikimin e hapësirave të gjelbra jo vetëm në rrugët kryesore, por edhe nëpër lagjet e kryeqytetit, për t’iu mundësuar qytetarëve sa më shumë gjelbërim dhe pastërti.

Njësia Administrative Nr. 8 në bashkëpunim me punëtorët e qytetit të DPN 1 kanë përfunduar rikualifikimin e dy hapësirave të gjelbërta, brenda lagjeve të njësisë.

Një lulishte në rrugën "Gjon Buzuku" me një sipërfaqe prej 50 m2, dhe ne Rr. "Thanas Ziko" me sipërfaqe 80 m2, të dyja të domosdoshme për komunitetin e zonës.

Falë angazhimit të Bashkisë së Tiranës, tashmë banorët e kryeqytetit do të mund të kenë në lagjet e tyre, hapësira të gjelbërta dhe të rehabilituara.

m.v./Shqiptarja.com
  • Sondazhi i ditës:

    A e zgjidh situatën pas tërmetit një Ministri për Rindërtimin?

Komento