POP 5

Lajmet më të lexuara të 5 minutave të fundit

Kronikë

Tiranë/ 23-vjeçarja tenton të kalojë kufirin me pasaportë të falsifikuar, arrestohet bashkë më punonjësin me precedent penal të aeroportit të Rinasit

Vajza Xh. K., 23 vjeçe, banuese në Mat, u arrestua për veprën penale “Falsifikimi i letërnjoftimeve, pasaportave ose vizave”, e cila tentoi të kalonte kufirin me pasaportë të falsfikuar. Gjithashtu u arrestua edhe Roland Keçi 43 vjeç, punonjës i sigurisë te kontrolli i pasagjerëve me skaner, i cili ka qenë i proceduar më parë nga Policia Kufitare, pasi është kapur në zonën sterile me 2700 euro dhe telefon celular.

TIRANË- Dy persona janë arrestuar në aeroportin e Rinasit,  për dhënie ndihme për kalim të paligjshëm të kufijve me dokumente të falsifikuara, ku njëri prej tyre është punonjës i skanerit.

Operacioni nga Policia Kufitare e Rinasit, në bashkëpunim me Seksionin për Hetimin e Trafiqeve të Paligjshme në Drejtorinë Vendore të Policisë Tiranë, kanë arrestuar personat nëpërmjet operacionit policor “NEË START”.

Vajza Xh. K., 23 vjeçe, banuese në Mat, u arrestua për veprën penale “Falsifikimi i letërnjoftimeve, pasaportave ose vizave”, e cila tentoi të kalonte kufirin me pasaportë të falsfikuar.

Gjithashtu u arrestua edhe Roland Keçi 43 vjeç, punonjës i sigurisë te kontrolli i pasagjerëve me skaner, i cili ka qenë i proceduar më parë nga Policia Kufitare, pasi është kapur në zonën sterile me 2700 euro dhe telefon celular.

Arrestimi i tij u bë për veprat penale “Ndihma për kalim të paligjshëm të kufirit” dhe “Falsifikim i letërnjoftimeve, pasaportave ose i vizave”.

Vajza XH. K. 23 vjeç ka tentuar të udhëtojë në drejtim të Italisë me dokumentacion të rregullt, por pas dyshimeve të punonjësve të Policisë Kufitare mbi qëllimin e udhëtimit dhe arsyet e dhëna, është kaluar në vijën e dytë për kontroll të imtësishëm, ku i është gjetur një kartë italiane e falsifikuar.

43- vjeçari në bashkëpunim me persona të tjerë, pasi kishin siguruar paraprakisht dokumente të falsifikuara italiane me gjeneralitete italiane, kanë tentuar ta kalojnë nëpërmjet aeroportit të Rinasit tranzit drejt aeroportit të Romës, Milano, me destinacion final në Mbretërinë e Bashkuar, shtetasen Xh. K..

Edhe pse 43- vjeçari Keçi ishte me precedent penal, ai është lejuar të punojë në aeroport, një zonë ku siguria duhet të jetë maksimale.

Sipas policisë, materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme.

Roland Keçi, i arrestuar

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tolja: 05/01/2020 19:03

    Land Keçi esht nje nga djemt me korrekt qe punojn ne aeroport. Ska qen asnjeher me precedent penal pasi ka qene viktime dhe gjithmone ja ka dale mbane.

    Përgjigju
  • Sami Ameni: 03/01/2020 14:06

    Kapen punonjesin e aeroportit.Kontrolloret si gjen gje se ndajne leket me SHKB dhe pisat e there.Vend muti s.ka per tu bere kurre.

    Përgjigju
  • Geri: 03/01/2020 12:26

    Ka qene i proceduar per krim ne zonen kufitare dhe serish e punesojne po aty. Imagjinonj trafiku i droges, i armeve, terroristet ne duart e kujt jane. Duhet shkarkuar e gjithe kupola drejtuese e policise se rinasit edheme tutje, deri tek ata qe e kane futur ne pune,

    Përgjigju
  • WTF: 03/01/2020 11:59

    Nga njera ane behen patriote te medhenj duke bere shqiponjen me duar si puna e Ilir Metes dhe nga ana tjeter ja fusin shtetit si kau lopes!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Izraeli dhe Hamasi akuzojnë njëri-tjetrin për dështimin e një marrëveshjeje armëpushimi

Izraeli dhe Hamasi akuzojnë njëri-tjetrin për dështimin e një marrëveshjeje armëpushimi

25 Dhjetor, 16:57