POP 5

Lajmet më të lexuara të 5 minutave të fundit

Kronikë

Tiranë/ Vetëm 5 ditë në punë! Punëtori vdes në pallatin e nënkryetarit të shoqatës së ndërtuesve

Një 53-vjeçar gjeti vdekjen gjatë punës në një pallat në ndërtim në Tiranë, i cili nga sa shihet me sy të lirë, nuk ofron kushte sigurie, ndërsa firma është në pronësi të nënkryetarit të shoqatës së ndërtuesve, Latif Miha. Vetëm gjatë muajit maj 5 të rinj kanë humbur jetën si pasojë e aksidenteve në punë.

TIRANE- Adrian Fejzullahu kishte vetëm 5 ditë që kishte nisur punën pranë kompanisë “Andi Konstruksion”, e cila po ndërton pallat në zonën e ish-kinostudios në rrugën “Aleksandër Mojsiu” në Tiranë.

Edhe këtë të hënë, (27 maj) kishte shkuar si çdo ditë në punë për të siguruar të ardhura për familjen e tij. Herët në mëngjes rreth orës 08:20 ra nga lartësia, nga kati i 7, duke marrë dëmtime të rënda të cilat rezultuan fatale dhe i morën jetën. 53-vjeçari - bëjnë të ditur burime nga policia, po ngjiste kova me llaç, por siç pamjet tregojnë – pallati në ndërtim nuk ka as skelë apo rrjet ndërtimi.

Burime nga Inspektoriati i Punës thonë se punëtorit Adrian Fejzullahu ishte i siguruar.

Subjekti ndërtues i pallatit është “Andi Konstruktion’. Nga një verifikim në QKR rezulton se ka për administrator Latif Mihën, njëkohësisht nënkryetar i shoqatës së ndërtuesve dhe anëtar i bordit drejtues të Institutit të Sigurimeve Shoqërore. Në mesin e pasigurisë në punë, tek një ndërtues me pozicione të tilla, është e pa tolerueshme të gjesh probleme në kushtet e sigurisë teknike për punonjësit, kur duhej të ishte i pari që të ngrinte zërin për të drejtat e punëtorëve dhe jo vetëm interesat e ndërtuesve.

Pallati në të cilin punimet kishin nisur prej korrikut 2023 ka afat të përfundimit dhjetorin e vitit 2027.

Vetëm gjatë muajit maj kanë humbur jetë gjatë aksidenteve në punë 5 persona

1716820263_3f89f120ec354aebabef51fca3a475ef.jpg

 

 Adrian Fejzullai 

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 28/05/2024 02:25

    /ANDI/,cfare kafesh?! Nuk e shikon rezymene e pronarit te pallatit?! Ky s'ka nevoje as te jape kafe,as te jape para nen dore,ky eshte pjese e elites /te paprekshme/.

    Përgjigju
  • Andi: 27/05/2024 19:34

    Ku jane inspektoret, apo kane marre kafet qe te mos duken? Sime eme, per ndertimin e shtepise dy kateshe, i kane shkuar 5 here per kontroll, ngaqe nuk i doroviste njeri! Mjere punetoret e gjore!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29