Në orët e para të më mëngjesit të sotëm, një 33-vjeçar ka humbur jetën nga një aksident tragjik të ndodhur në afërsi të Cërrikut në Elbasan. I riu ka humbur kontrollin e mjetit dhe ka dalë nga rruga, ndërkohë që i plagosur ka mbetur edhe një 29-vjeçar që udhëtonte me të në makinë.

"Më datë 11.07.2021, rreth orës 01:45, në aksin rrugor Gostimë- Mollas, në fshatin Lumas, mjeti tip "Audi", me drejtues shtetasin R.H., 33 vjeç,  ka humbur kontrollin e drejtimit të mjetit dhe  ka dalë nga rruga. Si  pasojë e aksidentit ka ndëruar jetë drejtuesi i mjetit shtetasi R.H., dhe është plagosur pasagjeri shtetasi E.Q., 29 vjeç, banues në fshatin Floq, Cërrik i cili ndodhet nën kujdesin e mjekëve. Grupi hetimor po punon për zbardhjen e shkakut të aksidentit", njofton policia.

Kujtojmë se dje në afërsi të Gramshit drejtuesi i një minibus me pasagjerë humbi kontrollin duke rënë në humnerë ku ndodhej dhe një përrua, në afërsi të fshatit Bregas. Si pasojë e aksidentit ka mbetur i vdekur Ledian Lami 30 vjeç banues në fshatin Terrove, Skrapar. Drejtuesi i mjetit është arrestuar në spital.