Fermerët eksportuan më pak zarzavate në vitin 2021, duke pësuar rënie për herë të parë që prej vitit 2005. Në total, gjatë vitit të kaluar u eksportuan 72,3 milionë euro zarzavate, nga 72.7 milionë euro në 2020, ndërsa importet ishin në vlerën e 20,8 milionë eurove. Kreu i Agrobiznesit Agim Rrapaj shpjegon arsyet e kësaj rënieje.
“Patëm një ecuri jo të mirë të perimeve në 3-mujorin e katërt, pasi kishte rënie në raport me 2020. Kushtet e motit ndikuan pozitivisht tek vendet fqinje, të cilat na bënë një konkurrencë të fortë, dhe nga ana tjetër politika e ndryshueshme pati ndikimin e saj që ndikoi në kosto”, tha kreu i Agrobiznesit Agim Rrapaj.
Sa i takon frutave ka pasur rritje të eksporteve, nga 24 milionë euro në vitin 2020, në 28,7 milionë euro në vitin që lamë pas. Përpos rritjes importi i frutave është 2 fish më i lartë, rreth 56.9 milionë euro.
“Pati një ecuri të mirë eksporti i mandarinës, nuk ishte e njëjta gjë për portokallin për shkak të konkurrencës, pasi ne importuam portokall dhe ky është një problem që ne duhet ti japim zgjidhje”, tha Rrapaj.
Rritje rekord sipas Agim Rrapaj pati në eksportin e bimëve medicinale.
“Bie në sy një rritje e ndjeshme e eksportit të bimëve medicinale dhe aromatike, që kapën shifrën maksimale prej 60 milionë eurosh si asnjëherë tjetër. Kjo tregon se kemi potenciale të jashtëzakonshme në këtë sektor”, pohon ai.
Ndërkohë gjatë vitit 2021 sipas kreut të agrobiznesit, fermerët i kanë shitur më shtrenjtë produktet që kanë eksportuar, pasi shumica e partnerëve tregtare, tanimë ishin nga vendet e Bashkimit Evropian.
“Pati ndryshime të partnerëve. Ne rritëm ndjeshëm eksportet drejt BE, dhe vendeve që paguajnë më shtrenjtë, duke u larguar nga Serbia, Kosova, Maqedonia apo Mali i Zi dhe kjo bëri që një pjesë e eksportuesve të stabilizojnë çmimet, nga të ulta që i shisnin në rajon me ato që shesin në vendet e BE-së”, pohoi Rrapaj.
Lajme të tjera
-
Nafta për fermerët, deri në fund të gushtit subvencioni arriti 3.9 milionë euro
5 Dhjetor, 07:50 -
Tregtimi i vajit ekstra të virgjër në vend, kreu i shoqatës së Agro-Biznesit: Nuk ka fabrika për ambalazhimin e qelqit dhe depozita inoksi për ruajtjen e vajit
29 Nëntor, 13:36 -
Bizneset më shpesh në dyert e bankave, morën 564 mln euro kredi më shumë se vjet! 1/3 e huasë shkoi tek tregtia me shumicë e pakicë, bujqësia në vendnumëro
28 Nëntor, 16:56
-
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Kur do të zhbllokohen fondet e IPARD? Përgjigjet ministrja Denaj: Po plotësojmë kërkesat, pas korrikut 2025 do dërgojmë dokumentet për aplikim
13 Nëntor, 16:59 -
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
Nga kivano tek dora e Budës dhe papaja, Irakli Shkoza vazhdon të guxojë me frutat ekzotike: Fermerët duhet të rrezikojnë
6 Nëntor, 22:11
-
SPECIALE/ Sezoni sfidues i vjeljes së ullinjve! Mungesa e punëtorëve dhe tregu informal vendas, zhgënjimi i përvitshëm i fermerëve
26 Tetor, 16:15 -
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor, 21:06
-
Fermerët e Kukësit kërkojnë traktorë e autokombanja! Zv/ministri i Bujqësisë: Qeveria financon 50 % të vlerës, por ka disa kritere
16 Tetor, 15:28
