Kur kanë mbetur edhe 12 ditë nga mbyllja e afatit ligjor për formimin e qeverisë, marrëveshja midis Lëvizjes Vetëvendosje dhe LDK duke se ende është larg.
Ndërsa dje, Lidhja Demokratike e Kosovës ka mbajtur mbledhjen e kryesisë së partisë, kreu i kësaj partie, Isa Mustafa është shprehur se deri në fund të javës duhet të arrihet marrëveshja me Vetëvendosjen ose të konstatohet se nuk do të ketë marrëveshje.
Mustafa tha se LDJ-ja i ka dhënë një propozim VV-së të cilin ajo duhet ta trajtojë me vëmendje, dhe deri në fund të kësaj jave të kemi një përgjigje.
Por duket se deri tani të dyja këto subjektet politike kanë pozicione të betonizuara dhe shprehin ekstremisht gjuhë polarizuese sa i përket ndarjes së pozitave në qeverinë e përbashkët.
Zgjedhja e Glauk Konjufcës për kryeparlamentar dhe votimi i tij nga LDK-ja, ka komplikuar edhe më tepër negociatat për koalicion, pasi pozita e Kryetarit të Kuvendit sipas marrëveshjes parimore do t’i takonte Lidhjes Demokratike të Kosovës.
Në këtë situatë, Lidhja Demokratike e Kosovës ka refuzuar ofertën e Lëvizjes Vetëvendosje me numrin e rritur të ministrive dhe ka kërkuar postin e kryeparlamentarit deri në kohën kur të votohet presidenti dhe pastaj t’ia kthejë atë përsëri Vetëvendosjes.
Posti i presidentit është kërkesë eksplicite e Lidhjes Demokratike të Kosovës, kërkesë kjo me të cilën aspak nuk pajtohet Lëvizja Vetëvendosje.
Sekretari i Përgjithshëm i Lidhjes Demokratike të Kosovës, Ismet Beqiri ka thënë se në LDK ende nuk është diskutuar opsioni i një koalicioni me AAK-në, NISMA-n dhe minoritetet por ai tha se megjithatë nuk përjashtohet as edhe mundësia që pasi të bëhet koalicioni LVV-LDK pas një viti kur të jetë koha për të zgjedhur presidentin, të shkohet në zgjedhje të parakohshme.
Në rast mosarritje të marrëveshjes, formimi i qeverisë nga Albin Kurti pa Lidhjen Demokratike të Kosovës por me votat e kësaj të fundit, nuk është mohuar nga lideri i Vetëvendosjes, por se sa do të ishte funksionale një qeveri e pakicës njohësit e çështjeve politike kanë hedhur mjaftueshëm dyshime.
Lajme të tjera
-
Kosovë/ KQZ urdhërohte të çertifikojë Listën Serbe për zgjedhjet parlamentare të 9 shkurtit
25 Dhjetor, 17:03 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Qeveria e Kosovës, bonus 100 euro për pensionistët dhe për fëmijët deri në moshën 16 vjeç
22 Dhjetor, 12:30 -
Starlink në Kosovë, Kurti: Hap i rëndësishëm në avancimin e infrastrukturës dixhitale
22 Dhjetor, 10:49 -
Qeverisje me duar jo edhe aq të pastra në Kosovë
21 Dhjetor, 16:04
-
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Veton Surroi: Fjalimi që kryeministri i Kosovës nuk duhet ta mbajë në Tiranë më 2025
20 Dhjetor, 20:29
-
Prokuroria Speciale e thërret për herë të dytë kryeministrin Albin Kurti për dëshmi
20 Dhjetor, 15:31
