Tokat bujqësore, ligj i ri
për të marrë tapitë
Disa dhjetëra mijëra familje bujqësore, që kanë marrë tokat e të parëve të tyre, por nuk janë pajisur me vërtetim të kthimit të pronës, kanë mundësinë të hipotekojnë pronat e ndara "fshatçe", në përputhje me disa rregulla. Këshilli i Ministrave ka miratuar në mbledhjen e fundit një projektligj lidhur me këtë çështje
Pas tre vjetësh verifikimesh të titujve të pronësisë në zonat rurale, ende nuk ka mbaruar regjistrimi përfundimtar i tokës bujqësore, për arsye se, kryesisht në zonat malore e kodrinore, pas vitit 1990, tokat janë ndarë me mirëkuptim, sipas kufijve të vjetër, por pronarët nuk janë pajisur me vërtetim sipas ligjit 7501. Kështu, ata nuk mund ta regjistrojnë tokën e tyre. Shqyrtimi i vlefshmërisë ligjore të krijimit të titujve të pronësisë mbi tokën bujqësore po kryhet prej 3 vjetësh në vendin tonë. Komisionet vendore të verifikimit të titujve të pronësisë janë ngritur e po funksionojnë pranë prefektëve të secilit Qark. Por, edhe 22 vjet më pas fillimit të procesit të kthimit të pronës, situata mbetet e bllokuar. Për regjistrimin përfundimtar të tokës bujqësore, është menduar të pajisen këta pronarë, që përfaqësojnë dhjetëra mijëra familje, me vërtetimet përkatëse, që do t'u mundësonin regjistrimin e pronës në kadastër.
KomunatLigji i ri parashikon që kryetarët e komunave apo bashkive, në ato raste kur komisioni i ndarjes së tokës bujqësore nuk ka plotësuar aktet e marrjes së tokës në pronësi, në fshatrat e ish-kooperativave bujqësore, t'i plotësojnë ato për familjet bujqësore ose individët që janë subjekte ligjorë të trajtimit me tokë bujqësore në pronësi, sipas ligjit nr. 7501, datë 19.07.1991 "Për tokën", dhe që faktikisht e përdorin këtë tokë bujqësore. Realizimi i dhënies të titujve të pronësisë i fut këto prona në qarkullim civil duke u dhënë subjekteve mundësinë t'i përdorin e shfrytëzojnë ato, si pronarë me të drejta të plota.
PërjashtimetNuk do të lejohet të plotësohen aktet e marrjes në pronësi të tokës në disa raste. Kështu, kjo nuk mund të ndodhë kur toka bujqësore rezulton e regjistruar në regjistrin e pasurive të paluajtshme të Zyrës së Regjistrimit të Pasurive të Paluajtshme si pronë private. Po kështu, kur toka bujqësore rezulton e përfshirë në proçesin e legalizimeve, apo është dhënë në pronësi nëpërmjet një akti të mëparshëm, të lëshuar deri në datën 15 gusht të vitit 2008 nga komisionet e ndarjes së tokës, pavarësisht nëse është regjistruar ose jo në regjistrin e pasurive të paluajtshme. Përjashtohet, gjithashtu, lëshimi i aktit të pronës kur toka bujqësore është objekt i një konflikti gjyqësor dhe komuna apo bashkia është vënë në dijeni zyrtarisht nga gjykata.
AfatetPër të mos e zvarritur pafundësisht plotësimin i akteve të marrjes së tokës në pronësi, është propozuar që proçesi të përfundojë brenda një viti nga data e hyrjes në fuqi të akteve nënligjore në zbatim të këtij ligji, që duhet të përgatiten nga ana e qeverisë. Ligji duhet të kalojë në procesin e diskutimit nga Kuvendi para se të miratohet.
Sondazhi i ditës:
Censi 2023, popullsia u tkurr me 419 mijë në 12 vite, cili është shkaku?
-
Emigrimi
79%
-
Lindshmëria
17.4%
-
Vdekshmëria
3.6%
Vota total: 1294
Votat totale janë unike
Lajme të tjera
-
DIREKT, Euro 2024/ Fillojnë përballjet me eliminim direkt, nis Zvicër 0-0 Itali! Spalleti bën ndryshime, Xhaka nga minuta e parë
29 Qershor, 18:00
-
Ernest Muçi, talenti i madh i futbollit shqiptar që pranoi stolin e Kombëtares pa zhurmë
29 Qershor, 17:53
-
Kush është Astrit Avdylaj, kreu i bandës së Shijakut! Nga vrasja në '97 tek droga, e gjithë jeta nëpër burgje
29 Qershor, 17:40
-
I vuri zjarrin një sipërfaqe me ullinj në Delvinë, në pranga një 56-vjeçar
29 Qershor, 17:36
-
Dua Lipa shkruan histori në Glastonbury, BBC lëvdata të mëdha për artisten shqiptare
29 Qershor, 17:21
-
Plagoset rëndë minatori në Bulqizë! Biznesi i kromit po merr jetë, dy të vdekur dhe një i plagosur për një muaj
29 Qershor, 17:12
-
Censi 2023/ Tirana ‘rrëmben’ banorët e periferisë, qytet i mbipopulluar! Rënie e fortë e banorëve në qarqet Fier, Elbasan e Shkodër
29 Qershor, 16:55
-
'Cens 2023' përçan pakicën maqedonase! Bullgarët të kanaqur: Rezultat surprizues
29 Qershor, 16:46
-
Fier/ Dëmtoi makinën e policisë dhe kanosi efektivin pasi i bllokoi gomonen e shokut, në pranga 29-vjeçari (EMRI)
29 Qershor, 16:46
-
‘Yjet nën yje’, koncert elektrizues në Shkodër, ngjiten në skenë emra të mëdhenj të muzikës e humorit
29 Qershor, 16:39
-
Fier/ Shuhet zjarri masiv në kodrat me Ullishte në Peshtan të Vogël
29 Qershor, 16:30
-
Aksident në aksin Gjirokastër-Kakavijë! Makina e policisë përplaset me ‘Audin’, 3 të plagosur mes tyre 2 efektivë
29 Qershor, 16:21