POP 5

Lajmet më të lexuara të 5 minutave të fundit

Sport

Tomorri braktis kampionatin dhe lëshon akuza të forta: Maskaradë e kurdisur nga FSHF

Një vendim që vjen pas dënimit nga Komisioni i Disiplinës ku klubi berates u dënua me humbjen e ndeshjes 3-0 në tavolinë në favor të Apolonisë

Dënimi me humbjen e ndeshjes në tavolinë ka bërë që klubi i Tomorrit të tërhiqet nga kampionati në mesin e sezonit. Në një konferencë për shtyp ata hedhin akuza të rënda si ndaj zyrtarëve të takimit me Apoloninë ashtu ndaj vetë FSHF-së.Klubi i Tomorrit që militon në Kategorinë e Parë ka marrë vendimin drastik për tërheqjen nga kampionati.

Një vendim që vjen pas dënimit nga Komisioni i Disiplinës ku klubi berates u dënua me humbjen e ndeshjes 3-0 në tavolinë në favor të Apolonisë, pasi sipas Disiplinës Tomorri ka dështuar në në përmbushjen e përgjegjësive për organizimin e ndeshjes duke mos zbatuar rregullat e sigurisë dhe duke mos garantuar sigurinë e zyrtarëve të ndeshjes dhe lojtarëve kundërshtarë.

Njoftimin për tërhqjen nga gara e bëri zyrtari i klubit Alban Pambuku: “Me keqardhje iu njoftojmë se FK Tomorri nuk do të udhëtojë në ndeshjen e ardhshme kundër Bylis. Ne nuk bëhemi pjesë e kësaj maskarade ku vihet në diskutim integriteti dhe emri i Tomorrit.”

Pas këtij vendimi klubi i Tomorrit ka shpërthyer në akuza ndaj zyrtarëve të ndeshjes si dhe vetë FSHF-së. “Kjo është një maskaradë e kurdisur nga disa pseudozyrtar dhe servilë me logon e FSHF-së, si delegati i ndeshjes Petrit Haxhia, gjyqtari Elidon Halo dhe vetë institucioni i futbollit.” 

Klubi i Tomorrit mohon kategorikisht që gjatë ndeshjes me Apoloninë të ketë patur dhunë në stadium apo të ketë dështuar në përmbushjen e përgjegjësive për organizimin e ndeshjes. Sipas tyre çdo gjë është e vërtetueshme pasi në stadium ka kemarë sigurie.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23