Rreth orës 03.00 të mëngjesit të së enjtes ka mbërritur në ambientet e komisariatit të policisë Vlorë  droga e sekuestruar ne fshatin Babicë e vogël. Aksioni nga krimet e rënda të mbështetura nga Delta Force si dhe Drejtoria  Vendore e Policisë Vlorë nisi rreth orës 22.00 të mbrëmjes së 18 tetorit.

Rreth 100 efektivë policie të Njësisë Speciale nga Tirana prokurorë të Prokurisë së përgjithshme dhe efektive të Delta forcë si dhe antidrogë  Vlorë zbarkuan në fshatin Babicë e vogël, rreth 10 km larg qytetit të Vlorës. Gjatë aksionit Forcat Speciale mësynë në një banesë dykatëshe, ku gjatë kontrollit të ushtruar u konstatua një sasi e kondisderueshme lënde narkotike.

Burime nga policia bëjnë me dije se janë afro 7 ton kanabis e paketuar, e cila ishte fshehur në bodrumet e banese dykatëshe fshehur brenda bidonëve alumini. Gjatë kontrollit të ushtruar në banesë kanë qenë edhe persona të cilët janë shoqëruar nga Policia e Vlorës në ambientet e komisariatit. Drejtoria e Policisë Vlorë nuk bën me dije se sa persona janë shoqëruar apo arrestuar.

Droga e gjetur në ambientet e shtëpisë u transportua nga fshati Babicë me një furgon të Policisë se Vlorës si dhe një makine të ushtrisë. Në orët e para të mëngjesit së datës 19 tetor pritet qe policia e Vlorës të bëjë me dije sasinë e drogës së sekuestruar si dhe emrat e personave të implikuar në këtë trafik.

[gallery]24323[/gallery]

Redaksia Online
J.Sh Shqiptarja.com