Gjithashtu, duke folur për “Debati” në “Channel One”, Topalli tha me ironi se ajo mund të ishte në listë nëse do t’u buzëqeshte familjarëve të Bashës, pra kunatit dhe Bashkëshortes, për të cilët tha edhe Ruli sot se kishin zyra në PD.
“Unë i kam shkuar në zyrë tre javë para zgjedhjeve dhe i kam kërkuar që të mblidhen strukturat e partisë. Ai s’bëri asnjë gjë. Edhe Enver Hoxha i mblidhte formalisht byrotë. Gjithsesi unë e dija që po t’u buzëqeshja familjarëve të Bashës do isha në listë. Por këtë se bëj dot”, tha Topalli.
Topalli: Gara në PD është e rreme. Ndjej neveri për grupin “pro Basha”
Ish-kryetarja e Kuvendit, Jozefina Topalli ka thënë se ndjen neveri për grupin në PD që është pro Bashës.
Sipas saj, këta njerëz janë të njëjtë me ata që nxjerrin partinë mbi Shqipërinë. Topalli tha gjithashtu se në PD nuk ka garë të vërtetë por është një garë e rreme.
“Unë ndjej neveri për atë grup që mbështet Bashën. Ata janë njësoj me ata që nxjerrin partinë mbi Shqipërinë. Në PD nuk ka garë. Selami nuk është kandidat i vërtetë”, tha Topalli.
Redaksia Online
l.q/Shqiptarja.com