POP 5

Lajmet më të lexuara të 5 minutave të fundit

Sport

‘Topi i Artë’/ ‘France Football’ publikoi 30 kandidatët, Messi dhe Haaland favoritë! Detajet e trofeut

Në mesin e 30 futbollistëve në garë për ‘Topin e Artë’ është vetëm një italian, ndërsa pretendentët kryesorë për ta fituar janë Lionel Messi dhe Erling Haaland.

Erling Haaland dhe Lionel Messi janë dy favoritët kryesorë për të fituar Topin e Artë për sezonin 2022-2023. Revista ‘France Football’, që akordon trofeun më prestigjioz individual’, ka publikuar listën me 30 futbollistët të cilët do pretendojnë trofeun deri më 30 tetor kur të dorëzohet në teatrin e Chatelet.

Haaland, sulmuesi i Manchester City-t, shënoi 52 gola në total në sezonin e parë në Angli, ndërsa arriti të fitonte trofetë e Premier League, Champions League dhe FA Cup. Norvegjezi synon ta bëjë përvetë këtë trofe për herë të parë në moshën 23-vjeçarë, ndërsa për Lionel Messi-n, rivalin e tij më të madh, do të ishte hera e tetë që fitonte këtë trofe. Absolutisht një rekord në kufinjtë e të pathyeshmit.

36-vjeçari, i cili tani është pjesë e Inter Miami në Amerikë, sezonin e kaluar luajti te Paris SG, por ajo që e vendos në listën e pretendentëve është fitimi i Botërorit me Argjentinën. ‘Pleshti’ realizoi 7 gola dhe ishte protagonist në trofeun më prestigjoz të globit. Megjithatë këtë herë e favorizoi fakti, që ‘France Football’ do marrë parasysh sezonin, pra 2022-2023 dhe jo vetëm vitin 2023, siç ndodhi në rastin e Benzema-s vitin e kaluar.

Megjithatë pjesë e listës me 30 futbollistë ka edhe emra të tjerë interesant. Barella është i vetmi italian, ndërsa Lautaro Martinez dh eish-portieri Onana bëjnë pjesë e kësaj liste. Edhe pse në gjysmëfinale asnjë lojtar i Milanit nuk është përfshirë, ndërsa te Napoli janë përzgjedhur Victor Osimhen dhe Kvicha Kvaratskhelia. Për të theksuar se pjesë e kësaj liste nuk janë futbollistë si Cristiano Ronaldo, Rashford, Enzo Fernandez apo Frenklie de Jong.

Për trofeun e topit të artë votojnë 100 gazetarët e sportit të 100 vendeve me renditjen më të mirë në FIFA.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Pesë pyetje për 2025-ën

Pesë pyetje për 2025-ën

26 Dhjetor, 08:23