TIRANE-Deputeti i opozitës Halit Valteri i ftuar në Report Tv në një intervistë me gazetarin u shpreh se topi nuk është në fushën e Lulzim Bashës sikur deklaroi ambasadorja amerikane, por opozitës në Kuvend për reformën zgjedhore. Valteri deklaroi se nuk e voton reformën pa u plotësuar dy kushtet, hapja e listave dhe miratimi i të gjitha rekomandimeve të OSBE-së. Ambasadorët, tha ai duhet të flasin me opozitën në Kuvend që ka votat dhe jo atë të Lanës, referuar PD-LSI-së.
"Sot qeveria do 84 vota, nëse i merr kundër kësaj shkrese që kemi firmosur bashkë, atëherë ai deputet që voton është i blerë. Rudina Hajdari nuk ka në asnjë moment dyshimet për ndryshimin e sistemit. Mua nuk më kanë sjellë ndërkombëtarët në Kuvend. Ne nuk jemi kundër tyre. Ne kemi mandatuar tre kryetarët e grupeve, Myslim Murrizi, Nismet Musai dhe Edmond Stojku.
Nëse të huajt duan të bëjnë reformë, me këta tre zotërinjtë....ne kur vjen puna e ndryshimit të sistemit jemi bashkë. Ne kërkojmë që Kim dhe Soreca të ulen me ata që do u japin votat dhe jo me ata që nuk kanë asnjë votë. Hapja e listave është kusht i panegociueshëm. Letra e tundur e Kimit, është drejtuar Bashës, që do pushtet në tavolinë u trembet listave të hapura. Rama nuk i trembet kësaj, garon, ndërsa i vetmi njeri që i trembet listave është Basha. Unë Halit Valteri nëse nuk ndryshon sistemi zgjedhor, nuk shkoj fare të votoj atë ditë.
Grupi parlamentar demokrat është 100% në këtë qëndrim. Votat janë në parlament jo te bregu i Lanës. Opozita nuk voton reformën nëse nuk hapen listat" tha ai. Por listat e hapura nuk i kërkon vetëm opozita parlamentare. Valteri u shpreh se janë edhe 10 deputetë të PS-së që e kërkojnë një gjë të tillë. "10 deputetë nga shumica më kanë shprehur mbështetjen për lista të hapura, i kanë shkuar edhe kryeministrit për këtë gjë. Hapja e listave është një ogur i mirë për shqiptarët".
Në shtator do të jetë gati lëvizja e re politike e dalë nga grupi Demokrat në Kuvend që drejtohet nga Myslim Murrizi. Por cilët do të jenë figurat që do të afrohen? Valteri u shpreh se janë kontaktuar dhe ftuar të gjithë ata ish-drejtues degësh që Lulzim Basha i largoi.
"Ajo është një lëvizje demokratësh të vërtetë. Njerëz që e duan të djathtën, jo të lidhur me pazare, kanë peshë, janë ish-drejtues të PD-së në rrethe. Janë kontaktuar të gjithë ata kryetar partie që u hoqën në mesnatë nga Basha. Ftesa është bërë 'hajde të punojmë të gjithë bashkë'. Grupi jonë përbëhet nga 11 deputetë, janë të gjithë ish-funksionar të PD-së.
Shpresoj që të jemi mirë, me Zotin para, në shtator lëvizja do të lancohet për publikun, për ata njerëz që duan një klasë të re politike. Ne jemi të djathtë, dhe do të kërkojmë një parti të djathtë, ne kemi vetëm një standard, të jesh i djathtë, me të kaluar jo kriminale dhe mos kesh qenë ish-sigurims. Edi Ramën e mban në pushtet Lulzim Basha me marrëveshjen e 17 majit. PD-ja po ndjek një program më të majtë se PS-ja. Ne do të bazohemi te besimi në Zot, familje dhe pronë".
Në fund ai sqaroi se Rudina Hajdari nuk u shkarkua nga grupi, por u zëvendësua nga Murrizi, pasi mbante 4 detyra. "Zonjën Hajdari nuk e shkarkuam, pati një rrotacion me Murrizin. Hajdari mban 4 detyra të ndryshme dhe u diskutua nga grupi. Nëse Hajdari do të ishte kundër do të kishte ikur nga grupi. Debate ka pasur, por në fund Hajdari vendosi që të qëndronte në grup. Dje sikur shkoi Bylykbashi te PD-ja për reformen zgjedhore, Hajdari çoi SMS-ja dhe tha hajde që të diskutojmë".
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Basha: Dënimi i Dakos pozitiv por i pamjaftueshëm, të hetohet për lidhjet me krimin e organizuar dhe blerjen e votave! Politika të ndahet nga krimi, luftë korrupsionit
25 Nëntor, 18:03 -
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20
Votimi me lista te hapura eshte e drejta e pare e transparences se votimit,ndersa me lista shume emerore te partive e kthen ne manipulim politik;dhe perderisa nuk pranojne te paren dalin dy konkluzione:deputetet nuk perfaqesojne popullin dhe duhet te behet referendum,por pa Saliun,Meten,Rama-n Basha-n !Po une pyes perse ne USA votohet vetem me emra dhe perse USA government nuk detyron keta bandite te behet keshtu ??!
Përgjigjuparti e re me njerez te vjeter te PD-se qe ishin "po shef, si urdheron shef" derisa ngelen pa privilegje. Cudi.
PërgjigjuBRAVO VALTERI JE DEPUTETI ME I MIRE I OPOZITES,,MENDIMI YT PER LISTAT E HAPURA DHE RIKTHIMIN E DENIMIT ME VDEKJE NGJITEN SHUME MIRE...JE DEPUTET BRILANT..
PërgjigjuAi i denimit me vdekje pooo, eshte ngrit nje grup pune ne qeveri dhe po e diskuton se nuk i kishte vajt mendja.