Topi: Vdekja e Agron
Alisë humbje për artin

TIRANE- Presidenti Topi ka vlerësuar lart figurën e koreografit të njohur Agron Aliaj i cili u nda nga jeta sot në moshën 79 vjecare.

Topi vlerëson profilin e lartë të "profesorit të pasionuar të baletit" sic shprehet ai, por dhe atë të një babai dhe bashkëshorti shembullor.
Në vijim mesazhi i plotë i kreut të shtetit:

"Në këto momente tepër të vështira për ju, më lejoni të jem pranë jush për të ndarë këtë dhimbje të thellë dhe t’ju shpreh ngushëllimet e mia më të sinqerta për humbjen e njeriut tuaj të shtrenjtë e të pazëvendësueshëm! Me këtë rast dëshiroj të shpreh njëkohësisht konsideratën më të lartë personale dhe institucionale për profilin e lartë profesional, por dhe njerëzor, të profesorit të pasionuar të baletit dhe babait e bashkëshortit shembullor!

Në kujtesën e të gjithë artdashësve shqiptarë, të atyre që për dekada të tëra ndoqën, vlerësuan dhe duartrokitën veprat koreografike, që me përkushtim të madh u vunë në skenat shqiptare e të huaja nga baletmaestri Aliaj, do të mbeten përherë të skalitura në mendjet e shqiptarëve dhe do të jenë shembull i papërsëritshëm i çuarjes përpara të profesionit të vështirë e të bukur të baletit nga brezat e ardhshëm." shprehet mes të tjerash Presidenti i vendit Bamir Topi.
(ns/shqiptarja.com)