Trafik klandestinësh nga Turqia, në Shqipëri, arrestohen 2 persona në Dibër! I merrnin emigrantëve sirianë nga 4000 deri në 6000 euro

Dy persona kanë rënë në prangat e policisë ditën e sotme në Dibër, të akuzuar për trafik klandestinësh nga Turqia në Shqipëri. Mësohet se në pranga kanë rënë Gazmend Kovaçi dhe Nezir Kocja, ndërsa arrestimi i tyre është vazhdimësi i të njëjtit operacion të finalizuar më 25 shkurt, ku u kapën 4 persona. Sipas policisë, Kovaçi dhe Kocja i merrnin emigrantëve të paligjshëm nga 4 mijë deri në 6 mijë euro për t'i ndihmuar të kalonin kufirin për në Shqipëri.

Ata ndihmonin emigrantë sirianë, duke i kaluar nga  Rruga e Arbrit, në drejtim të qytetit të Peshkopisë, me qëllim kalimin e tyre më pas për në Kosovë, Serbi dhe Hungari.  

Në cilësinë e provës materiale janë sekuestruar 2 automjete, 3 telefona celularë dhe një dokument identifikimi i lëshuar nga një organizatë jofitimprurëse.  

Vijojnë hetimet për identifikimin e personave të tjerë të implikuar në këtë aktivitet kriminal dhe kapjen e atyre të shpallur në kërkim.  

Materialet procedurale i kaluan Prokurorisë pranë Gjykatës së Rrethit Gjyqësor Dibër, për veprime të mëtejshme.

/Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

Zelensky: Kemi nevojë për një garanci sigurie edhe nëse jemi jashtë NATO-s