POP 5

Lajmet më të lexuara të 5 minutave të fundit

Kronikë

Në kërkim nga Italia për trafikun e 100 kg droge dhe pengmarrje, ekstradohet 40-vjeçari që fshihej në Shëngjin

Anëtari i një grupi kriminal dhe drejtuesi i një grupi tjetër që trafikon drogë janë ekstraduar nga Shqipëria në Itali. Rasti i parë bëhet fjalë për 40-vjeçarin Ardian Sufaj alias Pllumb Sufaj, i cili është arrestuar në Shëngjin më 13 qershor 2023.

Anëtari i një grupi kriminal dhe drejtuesi i një grupi tjetër që trafikon drogë janë ekstraduar nga Shqipëria në Itali. Rasti i parë bëhet fjalë për 40-vjeçarin Ardian Sufaj alias Pllumb Sufaj, i cili është arrestuar në Shëngjin më 13 qershor 2023.

Gjatë periudhës 2022-2023, organizata kriminale ku bënte pjesë 40-vjeçari, dyshohet se ka trafikuar rreth 100 kg lëndë narkotike kokainë, nga Ekuadori, me qëllim shitjen në Itali. Mirëpo ngarkesa e drogës gjatë transportimit është vjedhur. Duket se Sufaj kishte rënë në gjurmët e “hajdutëve” dhe në bashkëpunim me persona të tjerë dyshohet se ka marrë peng një 40-vjeçar dhe e ka kërcënuar me armë, për t’iu dhënë informacion mbi vjedhjen e lëndës narkotike.

Ndaj tij Gjykata e Apelit e Triestes ka caktuar masën e sigurisë “Arrest në burg”, për veprat penale “Trafikimi i narkotikëve”, kryer në kuadrin e organizatës kriminale, si dhe “Pengmarrja”.

Ndërkohë, drejt Italisë është ekstraduar edhe një 56-vjeçar, Artur Ademi alias Artur Liçaj, të cilit Gjykata e Leçes i ka caktuar masën e sigurisë “Arrest në burg”, për veprën penale “Trafikimi i narkotikëve”, kryer në kuadrin e grupit kriminal. Gjatë periudhës 2018-2019, ka drejtuar një grup kriminal që trafikonte lëndë narkotike kokainë, nga Holanda në Itali dhe nga Shqipëria në Itali. Ademi është arrestuar më 2 shtator 2022 në qytetin e Vlorës. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shpellari: 19/02/2024 12:10

    Nuk vjen te fshihet neper shpella por qendron ne mes te plazhit duke menduar se ja hodhi bythes.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Serbia ia refuzon Sveçlës kërkesën për vizitë në Luginë

Serbia ia refuzon Sveçlës kërkesën për vizitë në Luginë

25 Dhjetor, 13:52