'Damask' goditet rrjeti i trafikut të migrantëve, 15 të arrestuar! Dy egjiptianë e dirigjonin nga Tirana! Sirianët hynin nga Greqia, paguanin 1500 euro për të kaluar kufirin (EMRAT)

Tiranë -  Ahmed Kensoëa dhe Mohamad Alfahek, me origjinë nga Egjipti, janë organizatorët e një rrjeti të madh të trafikimit të klandestinëve nga vende të Lindjes së Mesme në drejtim të Bashkimit Europian, duke shfrytëzuar tokën shqiptare.

Sektori për Hetimin e Trafiqeve në Policinë e Tiranës, zbërtheu sot grupin përmes një operacioni të gjerë të koduar “DAMASK’, ku u arrestuan 15 persona, në mesin e të cilëve edhe pronari i një biznesi të dhënies së makinave me qira në Rinas, Dashamir Kullaj. Hetimet e nisura 12 muaj më parë identifikuan 24 në total, 5 prej të cilëve u arrestuan më herët, duke e çuar në 20 numrin e të ndaluarve dhe 4 të tjerë të shpallur në kërkim.

 Pas një hetimi 12-mujor, në kuadër të këtij procedimi është bërë i mundur individualizimi i përgjegjësisë penale për 24 subjekte të këtij procedimi penal. Gjykata e Shkallës së Parë e Juridiksionit të Përgjithshëm Tiranë ka caktuar masën e sigurisë “Arrest në burg” në mungesë, për 19 shtetas. 

LEXO EDHE:
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme

Gjatë fazave të mëparshme të hetimit janë arrestuar në flagrancë 5 shtetas të tjerë, nga të cilët 3 hetohen me masën e sigurisë “Arrest në burg”, pa afat, ndërsa 2 me masën e sigurisë “Detyrimi për t’u paraqitur në Policinë Gjyqësore”.   Janë shpallur në kërkim 4 shtetas. Sipas informacioneve që disponojmë, 3 prej tyre janë jashtë vendit dhe po ndiqen procedurat urgjente për shpalljen në kërkim ndërkombëtar të tyre' tha drejtori i policisë së Tiranës, Tonin Vocaj. 

Vocaj ka zbardhur dhe skemën e trafikut ndërsa mësohet se 2 egjiptianët e drejtonin nga Tirana.

 "Shtetasit e implikuar në këtë veprimtari kriminale iu kanë dhënë ndihmë për kalim të paligjshëm të kufirit, shumë shtetasve, kryesisht nga Lindja e Mesme, të cilët hynin në RSH nga Greqia dhe tranzitoheshin në drejtim të kufijve veriorë të Shqipërisë, në Malin e Zi dhe në Kosovë.

Gjatë hetimit është dokumentuar përtej çdo dyshimi të arsyeshëm së shtetasit e huaj janë organizatorë dhe financues të kësaj veprimtarie kriminale. Gjatë zhvillimit të hetimeve janë përdorur veprime stimuluese si dhe teknika të posaçme hetimore me mbështetjen e Drejtorisë së Forcës së Posaçme Operacionale në Departamentin e Policisë Kriminale në Drejtorinë e Përgjithshme të Policisë së Shtetit" thuhet në deklaratë.

Pamjet e policisë treguan se në kontrollet e kryera u gjetën shumë të konsiderueshme parash, të fshehura nëpër sirtarë të dhomave të gjumit të të arrestuarve.

Gjatë hetimeve të kryera në kuadër të këtij operacioni janë sekusetruar 10 automjete, rreth 20 mijë euro dhe 500 000 lekë, 24 celularë, 10 pasaporta dhe fotokopje pasaportash të shtetasve egjiptianë dhe sirianë. 

Policia e ka akoma të paqartë numrin e saktë të të huajve që kanë mundur të hyjnë në vend përmes Greqisë dhe të kalojnë përmes tokës shqiptare në mënyrë të parregullt në pikat kufitare më Malin e Zi dhe Kosovën, por dyshohet se kryesisht hynin me dokumente jo të rregullta. Vetëm për këtë kalim ata paguanin shumë të mëdha që shkojnë deri në 1500 euro.

Drejtori i policisë Vocaj, i pyetur nga gazetarët, tha se “nuk ka punonjës të Policisë së Shtetit të përfshirë në këtë hetim dhe trafikim”.

Gjithashtu ai shpjegoi se grupi dyshohet se është i organizuar dhe hetimet mund t’i kalojnë SPAK-ut.

“Nuk është bashkëpunim i thjeshtë dhe ka forma të posaçme aktiviteti dhe do përcaktohet se nga cila do hetohet, nga Prokuroria e Posaçme apo e Tiranës”, u shpreh kryepolici ndër të tjera.

Operacioni u kodua 'Damask'  dhe procedimi penal ka nisur në vitin 2023 me nr. 5431. Në fazën finale të operacionit është bashkëpunuar me Drejtorinë Vendore të Policisë Kukës, Durrës, Shkodër dhe me Komisariatin e Policisë Sarandë, në Drejtorinë Vendore të Policisë Vlorë.

Rendit zhvillimet sipas orarit:

Të Fundit Të Parat

S.G/Xh.K/Shqiptarja.com

TAG:
• Mikel Stefani
• Ilirjan Xhaferri
• Kastriot Xhani
• Kelti Xhani
• Eurel Ukaj
• Elton Ukaj
• Trilind Gjana
• Klaudi Mano
• Klajvert Avxhija
• Florenc Avxhija
• Juljan Avxhija
• Nazmi Avxhija
• Mohammed Alfahel
• Ahmed Kensova
• Khaled Shahin
• Arnold Kërçi
• Mehmet Bregu
• Enriko Gjonaj
• Rafael Demaj
• Tonin Vocaj
• trafik emigrantesh
• Dashamir Kullaj
• Arrestime
• Tirane
• Damask