POP 5

Lajmet më të lexuara të 5 minutave të fundit

Kronikë

Trafiku, kapen 1300 fishekë
luftarakë do shiteshin në Greqi

Sasia e municioneve luftarake u sekuestrua dje pasdite nga policia kufitare Tre Urat në Përmet. Municionet nga Erseka do të çoheshin në Patra tek një shtetas grek kundrejt 1200 eurove. ( ne foto pamje nga municionet e sekuestruara)
Trafiku, kapen 1300 fishekë<br />luftarakë do shiteshin në Greqi
GJIROKASTER- Një sasi municionesh luftarake me destinacion Greqinë u sekuestrua dje pasdite nga policia kufitare Tre Urat në Përmet. Municionet, 1300 copë fishekë luftarakë pistoletë ishin marrë në Ersekë dhe do të çoheshin në Patra tek një shtetas grek. Policia e Qarkut të Gjirokastrës bën të ditur se arrestoi drejtuesin e mjetit ku u gjetën municionet Aurel Seiti, i cili do të përfitonte 1200 euro nga kjo ngarkesë.

NDALIMI
Sekuestrimi I municioneve ndodhi dje pasdite rreth orës 16.30. Efektivat e Policisë Kufitare të Stacionit të Policisë Kufitare Tre- Urat Përmet të Drejtorisë Rajonale për Kufirin dhe Migracionin Gjirokastër ushtruan një kontroll rutinë në automjetin tip Audi A4, me targa AA 596 BL, që drejtohej nga 35 vjeçari nga Erseka.
Municionet u gjetën të fshehura në pjesën e poshtme të sediljes së së pasme të pasagjerit , si dhe në mbështetësen e pasme të sediljes. Fishekët luftarakë ishin paketuar në dy qese letre të mëdha, dhe secila kishte nga 650 copë, fishekë luftarak për pistoletë.
TRAFIKU I ARMEVE
”Nga veprimet e para hetimore të kryera nga ana Specialistët e Seksionit Kundër Trafiqeve të Paligjshme në Drejtorinë e Policisë së Qarkut Gjirokastër rezultoi se ky shtetas i kishte marrë fishekët në Ersekë dhe do ti çonte në Patra tek një shtetas grek kundrejt një shume prej 600 euro për secilën qese.”- bën të ditur policia e Gjirokastrës.
Policia bën të ditur se materialet në ngarkim të këtij shtetasi do t’i kalojnë Prokurorisë së Krimeve të Rënda Tiranë për ndjekje të mëtejshme për veprën panale të “Trafikut ndërkombëtar të armëve dhe municioneve luftarake”.
(sg/shqiptarja.com)

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

Erion Veliaj flet me emra: JOQ dhe Lolita u vendosin gjoba linjave të autobusëve

Erion Veliaj flet me emra: JOQ dhe Lolita u vendosin gjoba linjave të autobusëve

29 Mars, 14:31