POP 5

Lajmet më të lexuara të 5 minutave të fundit

Bota

Tragjedi në Kinë/ Makina përplas turmën, 35 të vdekur, 43 të plagosur (VIDEO)

Të paktën 35 persona janë vrarë dhe 43 të tjerë janë plagosur pas përplasjes së një makine me një turmë njerëzish, të cilët kanë qenë duke u stërvitur në një stadium në Zhuhai të Kinës, sipas autoriteteve

Të paktën 35 persona janë vrarë dhe 43 të tjerë janë plagosur pas përplasjes së një makine me një turmë njerëzish, të cilët kanë qenë duke u stërvitur në një stadium në Zhuhai të Kinës, sipas autoriteteve.

Ngasësi i makinës, një 62-vjeçar, dyshohet se e ka drejtuar makinën kah Qendra e Sportit Zhuhai, ndërsa policia lokale e ka përshkruar incidentin si “sulm serioz”.

Mediat kineze kanë raportuar se shumë persona të moshuar, por edhe adoleshentë e fëmijë janë në mesin e të plagosurve.

Policia ka thënë se i dyshuari është arrestuar teksa ka tentuar të ikë, dhe aktualisht është në komë për shkak të plagëve që i ka shkaktuar vetes.

Incidenti ka ndodhur pavarësisht rritjes së sigurisë në qytet.

Policia ka thënë se hetimet fillestare sugjerojnë se sulmi është kryer për shkak të pakënaqësive të sulmuesit me rezultatin e zgjidhjes së çështjes së pronës, pas divorcit.

Megjithatë, për shkak se është në komë, ai nuk mund të merret në pyetje nga autoritetet.

Presidenti kinez, Xi Jinping, ka shprehur shqetësim të thellë për incidentin, dhe u ka thënë autoriteteve që të bëjnë çdo përpjekje për të trajtuar të plagosurit, dhe ka kërkuar që sulmuesi të ndëshkohet rëndë.

Kina ka regjistruar disa herë sulme të dhunshme ndaj qytetarëve të vet në muajt e fundit.

Në shtator, një burrë ka kryer sulm me thikë në një dyqan në Shangai, duke vrarë tre njerëz dhe duke plagosur disa të tjerë.

Në të njëjtin muaj, një 10-vjeçar japonez ka vdekur, një vit pasi është therur me thikë afër shkollës së tij në jug të Kinës./REL

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Xhaferri reagon pasi Rama përmendi FRPD-në në ‘Sy më sy’: Lëri të rinjtë e FRPD, ke kontribuar në eksodin e tyre

Xhaferri reagon pasi Rama përmendi FRPD-në në ‘Sy më sy’: Lëri të rinjtë e FRPD, ke kontribuar në eksodin e tyre

1 Prill, 15:34