“Si futbollist kam luajtur 13 vjet në nivelin më të lartë dhe atë në klubin ku fitorja ishte gjithçka. Jam mësuar të jetoj me presionin e fitores dhe di gjithmonë të përgjigjem dhe të reagoj në mënyrën e duhur”, ka theksuar Konte, i cili dikur ishte futbollist i bardhezinjve. Konte më tej ka thënë se tifozët duhet të kenë besim tek ai.
“Mendoj se e meritoj përkrahjen e tifozëve. Prej katër vjetësh merrem me punën e trajnerit të parë dhe në shumicën e rasteve kam qenë fitues. Ky fakt tregon diçka. Jam pjekur me kalimin e viteve dhe ndjej se lojtarët kanë besim tek unë”, ka shtuar Konte.
Ai e nisi karrierën si trajner në Areco, pastaj vazhdoi te Bari, të cilën e riktheu në Serie A, derisa kishte një aventurë të suksesshme edhe me Atalantën. Më pas arriti ta rikthejë në Serie A edhe Sienën, derisa tash Juventusit ka arritur ta kthejë në majat e futbollit italian.
(rb/shqiptarja.com)