Transformimi i hyrjes në Shkodër/ Nënkryetari i bashkisë: Ky investim do të jetë një frymëmarrje për trafikun e rënduar

Hyrja e Shkodrës po i nënshtrohet një transformimi të madh infrastrukturor me investimin e ri me vlerë prej 10 milionë eurosh. Nënkryetari i Bashkisë Shkodër, Onid Bejleri, tha se projekti është në fazat e tij të para dhe parashikon ndërtimin e një rrugë me 4 korsi dhe një ure të dytë mbi lumin Drin, e cila do të jetë paralele me urën ekzistuese.

Bejleri tha gjithashtu se ky investim do të jetë një frymëmarrje për trafikun e rënduar, veçanërisht në sezonin veror.

“Qëllimi i projektit është ti japi një frymëmarrje trafikut hyrës dhe dalës në Shkodër, sidomos gjatë sezonit të verës, gjatë fundjavave”, tha Onid Bejleri.

Nga kantieri i ndërtimit, ku po punohet çdo ditë, inxhinieri Eduart Kurti u shpreh se punimet po ecin me ritme të kënaqshme dhe se përfundimi i tyre do të sjellë përmirësime të ndjeshme në qarkullimin rrugor në këtë segment.

“Punimet kanë filluar më 23 dhjetor. Projekti i cili po vazhdon me ritme të mira ka si synim që të lehtësojë trafikun. Po ashtu ky projekt ka si synim edhe zgjerimin e rrugës me gjatësi 1.8 km. Rruga është me dy korsi  lëvizëse nga të dyja anët”, tha Eduart Kurti.

Ky investim është pjesë e strategjisë më të gjerë për modernizimin e infrastrukturës së Shkodrës dhe përmirësimin e kushteve për banorët dhe vizitorët e qytetit.

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?



×

Lajmi i fundit

 Rama ndan videon nga takimi me emigrantët në Athinë: Emocioni i një të diele kuqezi!

Rama ndan videon nga takimi me emigrantët në Athinë: Emocioni i një të diele kuqezi!