POP 5

Lajmet më të lexuara të 5 minutave të fundit

Kronikë

Transportonin 115 kg kanabis drejt Greqisë, dy në pranga! 3 'korrierë' çuan drogën në kufi me kafshë

Arrestohen dy persona, u kapën me 115 kg kanabis në një kamion në territorin grek. Drogën e çuan me kafshë në kufi 3 persona të tjerë. "Korrierët" u paguan me 50 euro secili.

Transportonin 115 kg kanabis drejt Greqisë, dy në pranga! 3 'korrierë' çuan drogën në kufi me kafshë

Kanabisi i kapur në kamion

Një kamion i ngarkuar me kanabis, është kapur nga forcat e Policisë së Janinës në të hyrë të fshatit Kallpaq pak kilometra nga kufiri greko-shqiptar. 

Burimet zyrtare nga Policia e Janinës bëjnë të ditur se janë arrestuar transportuesit e mallit narkotik të cilët janë të dy persona nga Gjirokastra. Personat e arrestuar janë një 30-vjeçar me iniciale S.D. Gjirokastra dhe një 60-vjeçar me iniciale B.K. nga Dropulli.

Mësohet sipas burimeve se kamionët, momentin e ndalimit nga Policia Greke, kanë qenë të parkuar pasi metoda që kishin zgjedhur transportuesit ishte që të ndanin në mënyrë të barabartë peshën e mallit në të dy mjetet që drejtoheshin nga dy gjirokastritët.

Kamioni që ishte karroceri kishte marrë mallin e ardhur nga Shqipëria, ndërsa kamioni tjetër ishte shoqërues dhe kishte për qëllim marrjen e gjysmës së ngarkesës totale prej 115 kg kanabis.

Policia greke sapo ka konfirmuar në bazë të dëshmive të të arrestuarve, se lëndën narkotike e kishin marrë nga kufiri i gjelbër shqiptar përmes kafshëve dhe tre transportuesve romë.

Këta të fundit janë paguar me nga 50 euro vetëm për transportin që e kishin marrë mallin nga Shqipëria prej kufirit të gjelbër shumë larg Kakavijës dhe e kishin depërtuar në thellësi të territorit grek.

Aty dy shoferët e kishin depozituar në brendësi të kamionit. Referuar informacioneve të sigurta zyrtare, konfirmon emrat e të arrestuarve të cilët për arsye hetimi i përcjell me iniciale.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça