Ekspozita “Kahe” e tre artistëve Artan Buça, Orlis Vathi dhe Ermal Baboçi është çelur në galerinë e fakultetit të Arteve Pamore. Kuratori i e ekspozitës Ermir Hoxha rrëfen se përmes këtij prezantimi artistët synojnë që të ndërtojnë një dialog të ri në artet vizive, ku sjellin optikën e tyre mbi hapësirën, subjektin dhe dimensionin e kohës në mediume të ndryshme, nga piktura në vaj te video instalacioni e deri tek instalacionet formale në qelq.
“Tek Orlis Vathi ndërtimi konceptual ka mbetur njësoj, Artan Buca nga një pikturë e ekspresionizmit sot është një artist që ka një pikturë më realiste, ndërsa për qasje është ekzitenciale. Ermal Baboçi nga një student brenda atelierit është kthyer në promotor të pikturë monumentale”, thotë kuratori Ermir Hoxha.
Ekspozita e konceptuar si retrospektive u krijon mundësinë edhe artdashësve që të njihen me dinamikën që ka pësuar arti i secilit prej artistëve. Ndërsa, vet artistët rrëfejnë udhëtimin e tyre nga shkolla deri në ditët e sotme
“Nëse shikojmë fillimet e krijimtarisë sime, ka një lloj ndikimi nga ekspresionizmi gjerman. Pas shkolle fillon një proces më i ngadaltë reflektimi. Kryesisht jam marrë me gjëra abstrakte, derisa kam nis të kem interes për arkitekturën dhe natyrën. Më ka bërë përshtypje fakti që njeriu është e vetmja qenie që transformon natyrën. Ndryshe nga qeniet e tjera”, rrëfen Artan Buça.
“Çdo gjë vjen gradualisht, kur nuk e kupton. Këto janë punë që u ndryshon objekti shprehës. Shqetësimi i përditshëm nuk është me gjërat jashtë, por me ato brenda”, thotë Orlis Vathi.
“Problemi im ka qenë lëvizja. Nëse shihni punët njëra pas tjetrës nuk ka një qëndresë. Nis, ikën dhe kalon në dimensione të tjera”, shprehet Ermal Baboçi.
Ekspozita “Kahe” vazhdon që të qëndrojë hapur në galerinë e Fakultetit të Arteve Pamore.
Lajme të tjera
-
'Shqiptarët dhe vdekja' Sot në Esencë, ora 23:00 në Report Tv
10 Tetor 2023, 18:08 -
Historia e Fotografisë Shqiptare në 150 vite, studiuesi: Nga shkrepjet e para tek imazhet e dy Luftërave Botërore dhe fotot e diktatorëve
2 Korrik 2022, 18:18
-
Koha, udhëtimi dhe memoria/ ‘Udhëtimi magjik’ i Artan Peqinit
12 Maj 2022, 16:47
-
Patronazhisti, e ç’a pastaj?
19 Prill 2021, 10:57
-
7 muaj pa Arben Bajon/Artisti vlerësohet me titullin ‘Mjeshtër i madh’, studiuesi: Me veprat e tij duhet të hapet një muze! (VIDEO)
4 Mars 2021, 15:11
-
Jeta bohemiane e Arben Bajos, vepra të lëna përgjysmë dhe “Kadare” i parealizuar!
18 Gusht 2020, 16:32
-
Vdekja e skulptorit/ Leka mes lotëve për Report Tv: Deri dje COVID për mua ishte numër, sot emër! Hoxha: Jemi të shokuar
9 Gusht 2020, 13:40
