Tre oficerë policie në Francë, u pezulluan pasi u shfaqën në një video duke rrahur një producent me ngjyrë në Parisin qendror. Incidenti i të Shtunës ka nxitur reagime të shumta në lidhje me sjelljen e forcave franceze të sigurisë.
Forcat policore gjatë kësaj jave janë akuzuar po ashtu edhe për përdorimin e forcës së panevojshme edhe teksa shkatërronin një kamp të improvizuar të emigrantëve në Paris. Incidentet vijnë edhe prezantimit të rregulloreve të reja të cilat ndalojnë transmetimet e fytyrave të policëve në video online.
Ndaj sjelljes së policëve kanë reaguar mijëra njerëz, mes tyre edhe ylli francez i futbollit Kylian Mbappe.
"Video e padurueshme, dhunë e papranueshme. Thuaj jo racizmit," shkroi ai në Twitter pranë një fotoje të fytyrës së përgjakur të muzikantit.
Video e kamerave të sigurisë u publikua në Loopsider, në të cilën tregohen se si tre oficerë e shkelmojnë, e gjuajnë me grushta dhe përdorin shkopinjtë e tyre mbi burrin pasi ai hyri në studion e tij. Loopsider tha se ai ishte ndaluar fillimisht për mos mbajtjen e maskës. Vetë muzikanti deklaroi se ishte dhunuar për të paktën 5 minuta.
Ndërsa mbërriti në selinë e policisë të enjten me avokatin e tij për të ngritur një padi, ai u shpreh "Njerëzit të cilët duhet të më mbronin më sulmuan. Unë nuk bëra asgjë për ta merituar këtë. Unë thjesht dua që këta tre njerëz të dënohen ligji ".
Kryebashkiakja e Parisit Anne Hidalgo tha se ishte "tronditur thellë" nga "akti i patolerueshëm". Ndërkohë që ministri i Brendshëm Gérald Darmanin tha se ai do të bënte presion për shkarkimin e oficerëve, duke thënë se ata kishin "ndotur uniformën e republikës". Më parë këtë javë Darmanin urdhëroi policinë të siguronte një raport të plotë pasi ata shpërbënë me dhunë një kamp të improvizuar të emigranteve në kryeqytet, duke u përplasur me emigrantët dhe aktivistët.
Ndërkohë, qeveria franceze vazhdon me projekt-ligjin e saj të diskutueshëm të sigurisë, për të cilën kundërshtarët thonë se mund të minojë aftësinë e medias për të kontrolluar sjelljen e policisë.
Neni 24 i projektligjit e konsideron si vepër penale postimi e imazheve të policisë ose ushtarëve në mediat sociale të cilat vlerësohet se i drejtojnë ata si individë. Qeveria argumenton se projektligji i ri nuk rrezikon të drejtat e medias dhe qytetarëve të zakonshëm për të raportuar abuzimet e policisë.
Por përballë kritikave qeveria shtoi një ndryshim, duke specifikuar se neni 24 "do të synojë vetëm shpërndarjen e imazheve që synojnë qartë dëmtimin e integritetit fizik ose psikologjik të një oficeri policie ose ushtari".
DOCUMENT: la séquence intégrale des 13 minutes de l'agression policière contre un producteur de musique parisien. Attention: images difficiles de violences et d'insultes racistes. pic.twitter.com/37EbfgID2T
— Loopsider (@Loopsidernews) November 26, 2020
Lajme të tjera
-
Emmanuel Macron dëshiron të kalojë në futboll, kandidat në zgjedhjet e ardhshme të FIFA-s?
25 Dhjetor, 13:51 -
U shkrumbua nga zjarri i 2019/ 'Notre-Dame de Paris' pret meshën e parë të Krishtlindjeve
25 Dhjetor, 12:48 -
Kryeministri i ri francez: Do bëj të pamundurën të bashkoj vendin
24 Dhjetor, 15:31
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Francë/ Formohet qeveria Bayrou, mes ministrave ish-kryeministrat Valls dhe Borne
23 Dhjetor, 19:21 -
Kryeministri François Bayrou pritet të emërojë qeverinë e re të Francës
23 Dhjetor, 11:39 -
Ilir Yzeiri: Topikat e trishta të hapësirës publike
20 Dhjetor, 13:28
-
Kryeministri i ri francez: Nëse nuk kemi një qeveri deri në Krishtlindje, do të jemi në greminë
20 Dhjetor, 12:04 -
Francë/ Ish-presidenti Sarkozi dënohet për korrupsion, në 'arrest shtëpie' me një byzylyk elektronik
18 Dhjetor, 16:46 -
Kryeministri francez Francois Bayrou nis punën mes një sërë sfidash
16 Dhjetor, 21:44 -
Cikloni apokaliptik Chido në Mayotte, viktimat mund të jenë me mijëra, 1,7 mln njerëz në rrezik
16 Dhjetor, 10:38 -
Si Kryeministrja e Italisë, Giorgia Meloni mund të kapërcejë hendekun midis Trump dhe Evropës! Analiza e CNN
16 Dhjetor, 09:53
