Tre persona tentojnë të vjedhin banesën në Kavajë, pengohen nga familjarët! Lëndohet 13-vjeçari dhe gruaja

KAVAJË- Tre persona kanë tentuar që të vjedhin një banesë në Kavajë, por ato janë ndalur nga familjarët, si pasojë kanë mbetur të plagosur fëmija dhe gruaja e shtëpisë.

Report Tv mëson nga burime zyrtare se ngjarja ka ndodhur rreth orës  20:00, në fshatin Karpen, ku si pasojë e përplasjes me hajdutët kanë mbetur të plagosur A. G, 13 vjeç dhe R. G., 47 vjeçe. Autorët nuk janë identifikuar ende. 

“Më datë 05.02.2021, rreth orës  20:00, në fshatin Karpen, në Kavajë dyshohet se tre persona ende të paidentifikuar kanë tentuar të vjedhin në banesën e shtetasit B. G., 70 vjeç, por janë diktuar dhe kanë hasur në rezistencën e familjarëve, ku për pasojë është lënduar shtetasi A. G, 13 vjeç dhe shtetasja R. G., 47 vjeçe, të cilët ndodhen në spital, jashtë rrezikut për jetën.

LEXO EDHE:
I shpallur në kërkim për grabitjen e kryer në 2016, arrestohet 42-vjeçari në Elbasan

Autorët nuk ka mundur të realizojnë vjedhjen dhe janë larguar me shpejtësi. Shërbimet e policisë me marrjen e njoftimit kanë shkuar menjëherë në vendngjarje dhe vijon me shërbimet e shtuara krehja e zonës për kapjen e autorëve.  Grupi hetimor nën drejtimin e Prokurorisë vijon punën për sigurimin e çdo prove që do ti shërbejnë zbardhjes së ngjarjes”, thuhet në njoftim.

B.K./Shqiptarja.com

TAG:
• vjedhje
• kavaje
• te plagosur