POP 5

Lajmet më të lexuara të 5 minutave të fundit

Bota

‘Trëndafili i shkretëtirës’, jeta mes shkëlqimit dhe luksit e gruas së kasapit të Damaskut

Asma al-Assad, 49 vjeç njihej edhe "Lady Di e Orientit" dhe "Trëndafili i shkretëtirës". Gruaja në krah të diktatorit sirian Bashar al-Assad (59 vjeç) ishte iluzioni i bukur e një regjimi vrastar torture. Me rënien e tiranit u zhduk edhe jeta e saj luksoze

‘Trëndafili i shkretëtirës’, jeta mes shkëlqimit dhe luksit e gruas së kasapit të Damaskut

Asma al-Assad dhe Bashar al-Assad

Asma al-Assad, 49 vjeç njihej edhe "Lady Di e Orientit" dhe "Trëndafili i shkretëtirës". Gruaja në krah të diktatorit sirian Bashar al-Assad (59 vjeç) ishte iluzioni i bukur e një regjimi vrastar torture. Me rënien e tiranit u zhduk edhe jeta e saj luksoze.

Javën e kaluar, vajza e një familjeje të pasur siriano-britanike, dhe tre fëmijët e saj, u desh të nxitonin që të arratiseshin nga vendi, njerëzit e të cilit kanë vuajtur për dekada nën presionin e madh të familjes në pushtet të Assad-it. Ajo gjeti strehë në Rusinë e Putinit, e cila deri më tani ka qenë dora mbrojtëse mbi kasapin e Damaskut.

Asma al-Assad lindi më 11 gusht 1975 në Londër, prindërit e saj vininin nga qyteti Homs në Siri. Babai i saj, Fawaz Akhras, është një kardiolog i shquar, nëna Sahar Akhras ka punuar si diplomate në ambasadën siriane në Londër.

Zonja Assad gëzonte një arsim të klasit të parë: studioi shkenca kompjuterike dhe letërsi franceze në “King's College” në Londër. Më pas punoi si bankiere investimesh në “Deutsche Bank” dhe “J.P. Morgan”.

Pas martesës në vitin 2000, Asma al-Assad u bë Zonja e Parë e Sirisë. Fillimisht perceptohej si moderne dhe progresive, por imazhi i tyre ndryshoi në mënyrë dramatike me fillimin e luftës civile siriane. Ndërsa regjimi terrorizoi njerëzit me bomba fuçi dhe gaz helmues, ajo shijonte jetën luksoze.

Në vitin 2018 u njoftua se Asma al-Assad kishte kancer të gjirit. Ajo iu nënshtrua trajtimit, më vonë u shfaq përsëri në publik - dhe i qëndroi gjithmonë besnike burrit të saj të fiksuar pas pushtetit.

Perandoria e Assad-it është shembur. Familja e urryer në pushtet gjeti strehim te diktatori rus, Putin. Për Asma al-Assad-in është fundi i turpshëm i jetës së saj mes shkëlqimit dhe luksit./ BILD

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ali: 09/12/2024 16:05

    Si grate e politikse shqiptare

    Përgjigju
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Afron afati për ndalimin e rrjetit TikTok në SHBA

Afron afati për ndalimin e rrjetit TikTok në SHBA

9 Janar, 18:40