“Triptik për paqen”, historia e Europës në 60 minuta (VIDEO)

Në kuadër të Javës së Europës, Bashkia e Tiranës në bashkëpunim me Bashkinë e Fierit dhe delegacionin e Bashkimit Europian në Shqipëri, prezatojnë projektin e përbashkët “Triptik për paqen”. Projekti synon organizmin e një sërë aktivitetesh që përmbyllen me një spektakël madhështor në qytetin antik Apoloni.

Nën kujdesin e Bashkisë së Tiranës, kryeqytetasit do të mund të ndjekin të martën më 7 maj, ora 20:00 një produksion multimedial skenik e muzikor në Amfiteatrin e Liqenit, ku do të prezantohet “Historia e Europës në 60 minuta”. Ndërsa më 8 maj koncerti do të zhvendoset në qytetin e Fierit.

Në sajë të punës së profesionistëve, qytetarët do të mund të ndjekin një koncert të unifikuar letrar-muzikor-historik, me imazhe reale filmike e simbolike. Aktiviteti do të realizohet me pjesëmarrjen e Trupave artistike dhe Artistëve drejtues e solistë nga Tirana e Fieri, si dhe artistë nga Filarmonia e Prishtines, dhe artistë nga Kori Mix-Selnanik.

Aktivitetet e organizuara në këtë 70-vjetor të themelimit të KE, synojnë të promovojnë dhe të respektojnë historinë, traditat dhe vlerat e demokracise Europiane perëndimore.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite