Tritol shtëpisë së kreut të PD në Shijak, reagon Selia Blu: Akt kriminal i papranueshëm, të zbardhet urgjentisht

Një akt kriminal të papranueshëm e ka konsideruar Partia Demokratike ngjarjen e rëndë të ndodhur në Shijak, ku kreut të PD-së në këtë qytet i është vënë tritol në shtëpinë e tij.  Selia Blu bën thirrje për zbardhje urgjente të ccështjes dhe të vihen para drejtësisë autorët.

"Partia Demokratike ka ndjekur me shqetësim informacionin për sulmin me lëndë plasëse në banesën e drejtuesit të Partisë Demokratike në qytetin e Shijakut. Duke i shprehur të gjithë solidaritetin familjes Vora, ne e konsideruar këtë akt kriminal të papranueshëm, të rëndë dhe kërkojmë zbardhjen pa vonesa të kësaj ngjarje dhe vënien menjëherë përpara përgjegjësisë të autorëve.  Ngjarje të rënda si kjo dhe aktet kriminale të kohëve të fundit, janë thirrje ulëritëse për organet ligjzbatuese për të vepruar me shpejtësi, profesionalizën dhe paanësi për mbrojtjen e rendit dhe sigurisë publike, si dhe jetës e pronës së qytetarëve", thuhet në deklaratën e PD-së.

LEXO EDHE:
CAS rrëzon FIFA-n, KF Erzeni kursen 120 mijë euro

Lajmi kryesor:

Shpërthim tritoli në banesën e kryetarit të PD-së në Shijak, flet kryedemokrati: Përveç denoncimeve politike, nuk kam konflikte me asnjë! Del momenti kur i vendosin lëndën plasëse shtëpisë

K.T./Shqiptarja.com

TAG:
• shijak
• PD
• lende plasese
• shperthim me tritol
• ignor vora