Biznesmeni Eridion Muho që u arrestua për atentatin e dështuar në Sarandë, ku aksidentalisht vdiq miku i tij Armandi Nelaj ka shfaqur shqetësime shëndetësore, ndaj nuk është siguruar dëshmia e plotë.
Nw momentin e arrestimit ai ka mohuar autorësinë, ndërsa hetuesit dyshojnë se Muho për shkak të konkurrencës në biznes ka tentuar të hedhë në erë tragetin “Fenikas Lines” të linjës Sarandë-Korfuz.
Një ditë pas arrestimit, Eridion Muho, ka shfaqur shqetësime shëndetësore dhe ka përfunduar në spitalin e Sarandës. 35-vjeçari u prangos për atentatin e dështuar në tragetin e linjës Sarandë-Korfuz, ku mbeti i vdekur miku i tij, Armandi Nelaj.
Për shkak të gjendjes shëndetësore nuk është siguruar dëshmia e plote, por paraprakisht Muho ka mohuar bashkëpunimin në krim. Policia ka analizuar kamerat e sigurisë dhe janë kryesisht pamjet, prova kryesore që e lidhin Muhon me aktin e dështuar të vendosjes së eksplozivit.
Burime nga grupi hetimor thanë për Report Tv se Armandi Nelaj më datë 24 qershor në mbrëmje ishte nisur nga porti i Sarandës me një mjet të vogël lundrues drejt tragetit të pasagjerëve “Fenikas Lines”. 52-vjeçari ka tentuar të hedhë në erë tragetin për arsye konkurrence, por në momentin që është afruar për të montuar lëndën plasëse, në telefonin e lidhur me tritolin u futën valët greke, duke bërë që mesazhi “Ëelcome to Greece”, të aktivizonte shpërthimin. Kjo rezultoi fatale për të!
Ndërsa miku i tij Eridion Muho u arrestua një muaj pas ngjarjes pasi dyshohet se ka organizuar gjithë skenarin për arsye konkurrence. 35-vjecari merret kryesisht me biznese në fushën e turizmit dhe në QKR rezulton pronar i anijes “Saranda Express” që operon linjën Sarandë-Korfuz dhe agjencisë “Erdano Tours”. Në zgjedhjet parlamentare 2021 ka qenë kandidat për deputet në siglën e partisë Lëvizja për Ndryshim të Jozefina Topallit. Ndërsa viktima Armandi Nelaj ishte biznesmen prej 13 vitesh, pronar i një kompanie të mjeteve të rënda të ndërtimit.
Deri në këtë fazë të hetimeve, rezulton se Erdion Muho prej shumë kohësh ka pasur konflikte me Andrea Qirjakon, pronar i “Fenikas Lines”, i linjes se trageteve Sarandë-Korfuz. Këto konflikte nuk u shuan asnjëherë mes tyre, duke çuar deri në tentativën për vendosjen e tritolit.
Gjykata e Sarandës ka lënë në burg biznesmenin Erdion Muho, i dyshuar për veprën penale “shkatërrim prone me eksploziv”, kryer në bashkëpunim, mbetur në tentativë. Seanca në ngarkim të tij u zhvillua në Spitalin e Sarandës, ku 35-vjecari mbahet i shtruar prej ndalimit të tij mbrëmjen e 28 korrikut, për shkak të problemeve shëndetësore.
Gjyqtari Alban Veçani ka cilësuar të ligjshëm ndalimin dhe ka caktuar masën “Arrest në burg”. Ai ka pranuar kërkesën e Prokurores Besiana Sadikaj, e cila ka ngritur akuzën, nje muaj pas hetime në ngarkim të Muhos.
Gjatë gjithë seancës, Muho ka mbajtur qëndrim mohues duke u shprehur se nuk ka lidhje me tritolin, madje ka pretenduar se naten e shperhtimit ka qene ne Korfuz.
“Nuk jam fajtor. Me Armandi Nelajn, si sarandiot i vjetër unë dhe ai, njihemi, por deri kaq, jo më shumë aq më tepër të kem bashkëpunuar me të. Asnjëherë nuk kam diskutuar me të për një veprim të tillë. Pra nuk kam asnjë lidhje me ngjarjen dhe motivet që dyshon Prokuroria”, tha ai.
Avokati mbrojtës, Agron Lamaj është shprehur se klienti i tij është i pafajshëm, njëherazi kërkoi masë më të lehtë, “arrest në shtëpi”, për faktin se nuk mund të largohet nga Saranda. Kërkesa e avokatit u rrëzua nga gjyqtari Veçani.
35-vjeçari Eridion Muho u prangos një ditë më parë, pas hetimeve të thelluara të policisë dhe prokurorisë për shpërthimin që i mori jetën 52-vjecarit Armandi Nelaj.
Ngjarja ka ndodhur me 24 qershor, kur Nelaj ishte nisur nga porti i Sarandës me një mjet të vogël lundrues drejt tragetit të pasagjerëve “Fenikas Lines”, të cilin ka tentuar ta hedhë në erë për motive konkurrence. Në momentin që ka tentuar te montoje lëndën plasëse, në telefonin e lidhur me tritolin u futën valët greke, duke bërë që mesazhi “Ëelcome to Greece”, të aktivizonte shpërthimin. Kjo rezultoi fatale për të!
Ndërsa hetuesit mbajten ne vezhgim mikun e tij Eridion Muho, i cili eshte filmuar nga kamerat e sigurisë para shperthimit. Ka dyshime, thane burimet, se Muho ka organizuar skenarin pasi kishte konflikte të vazhdueshme me Andrea Qirjakon, pronar i “Fenikas Lines” që bën linjën e transporit te pasagjereve Sarandë-Korfuz.
Në QKR, Eridion Muho rezulton pronar i anijes “Saranda Express” që operon ne te njejten linje Sarandë-Korfuz si dhe agjencinë “Erdano Tours”. Në zgjedhjet parlamentare 2021 ka qenë kandidat për deputet në siglën e partisë Lëvizja për Ndryshim të Jozefina Topallit. Ndërsa viktima Armandi Nelaj ishte biznesmen prej 13 vitesh, pronar i një kompanie të mjeteve të rënda të ndërtimit.
Komente
Lajme të tjera
-
Shisnin fishekzjarrë pa leje në Vlorë, në hetim pronarët e 3 dyqaneve
23 Nëntor, 11:20 -
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Aksident në fshatin Lapardha të Vlorës! Shoferi humb kontrollin e mjetit dhe del nga rruga
22 Nëntor, 16:46 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Vlorë/ 30- vjeçari ra nga kati i 3 i pallatit në ndërtim, arrestohet sipërmarrësi i punimeve të pllakave, nën hetim një tjetër! Mungonin kushtet teknike për sigurimin e jetës
21 Nëntor, 09:43
-
Vlorë/ FNSH 'pritë' tek rrethrrotullimi i Skelës, ndalon makinat e luksit e me xhama të zinj! Kontrolle për persona të kërkuar apo me armë (VIDEO)
20 Nëntor, 20:57
-
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Vlorë/ Bie nga kati i 3 i pallatit në ndërtim, 30 -vjeçari niset drejt Tiranës! Në gjendje të rëndë shëndetësore
20 Nëntor, 12:39 -
Vlorë/ Efektivi i policisë jashtë shërbimit aksidenton me ‘Benz’ këmbësorin e moshuar! 79-vjeçari nën kujdesin e mjekëve, edhe AMP nis hetimet
19 Nëntor, 18:27 -
Vlorë/ Përkeqësimi i kushteve meteorologjike, stuhi dhe dallgë deri në dy metra! Ndalohet lundrimi i varkave e peshkarexhave për 4 ditë! Ja kur rinis, tragetet dhe anijet e mëdha do vijojnë
19 Nëntor, 16:55
Çami i pabese tani ben si i semure. Fare e keqe
Përgjigju