POP 5

Lajmet më të lexuara të 5 minutave të fundit

Arkiva

Trojka “mësyn” në PS:
Shpejtoni reformën zgjedhore
Berisha: Rama, urrejtje humbësi
Rama: Berisha do vjedhë zgjedhjet

Në zyrën e kryetarit të PS, Edi Rama janë takuar ambasadori i SHBA, Arvizu, ai i BE, Sequi dhe kryesuesi i misionit të OSBE – ODIHR, Eugen Wollfarth. Takimi i Ramës me trojkën vjen pas deklaratës së bërë nga kryesocialisti se, mazhoranca dhe kryeministri Berisha po zvarrisin reformën zgjedhore me qëllim vjedhjen edhe të zgjedhjeve të ardhshme.
KQZ: Ja propozimet për zgjedhjet
Kodi Zgjedhor, ndalohen reklamat qeveritare në fushatë
Trojka “mësyn” në PS: <br />Shpejtoni reformën zgjedhore<br />Berisha: Rama, urrejtje humbësi<br />Rama: Berisha do vjedhë zgjedhjet
TIRANË - Trojka e ambasadorëve i kërkon politikës shqiptare të përshpejtojë punën për reformën zgjedhore. Pak orë pas deklaratave të kryeministrit Berisha dhe kryesocialistit Rama për zvarritje të reformës zgjedhore, tre prej ambasadorëve kryesorë në vend, SHBA, BE dhe OSBE i janë drejtuar selisë së Partisë Socialiste. Takimi ka nisur rreth orës 15.30 dhe më shumë se një orë më pas, Trojka ka dalë me një qëndrim të shkurtët për mediat në ambjentet e jashtme të selisë rozë. Kreu i misionit të Bashkimit Europian, Ettore Sequi, në prani të ambasadorëve Arvizu dhe Wollfarth ka deklaruar se duhet të përshpejtohet puna për përfundimin e një prej reformave më të rëndësishme në vend.
“Në nëntor ishte një marrëveshje për të arritur progres në reformën zgjedhore, reformën e procedurave parlamentare, ligjet që kërkojnë 3/5. Tani është koha e duhur për të nxitur vazhdimin e reformave. Ne jemi të gjithë të bindur për rrugën që duhet për integrimin evropian dhe është nevoja përshpejtohen reformat", tha Sequi.

PS: TAKIMIN E KËRKOI RAMA
Pak minuta pasi ambasadorët kanë dalë nga selia e PS, zyra e shtypit ka njofuar se takimi është kërkuar nga Rama.
“Me kërkesë të kryetarit Edi Rama u realizua sot një takim me Trojkën e Ambasadorëve për të ngritur shqetësimin shumë serioz të humbjes së afatit të parashikuar për Reformën Zgjedhore, të vonimit të procesit për Reformën Parlamentare dhe të ecurisë aspak inkurajuese të procesit të 21 janarit në dyert e gjykatave. Kryetari Edi Rama informoi të tre përfaqësuesit e lartë të komunitetit ndërkombëtar për rrugën e ndjekur nga Partia Socialiste drejt miratimit të këtyre dy reformave kyçe dhe nënvizoi se në mënyrë të veçantë zvarritja e Reformës Zgjedhore është tejet shqetësuese për opozitën”, thuhet në njoftimin për shtyp.
Sipas PS, të tre ambasadorët shprehën mirëkuptim të plotë për shqetësimet e ngritura dhe e përshëndetën rolin shumë konstruktiv që po luan Partia Socialiste për realizimin e reformave të identifikuara nga Bashkimi Europian si prioritete kyçe për integrimin e mëtejshëm të Shqipërisë.
“Përfaqësuesit e lartë të komunitetit ndërkombëtar vlerësuan me nota shumë pozitive kontributin e opozitës parlamentare në përmirësimin e miratimin e ligjeve që kërkojnë 3/5-at e votave të parlamentit”, përfundon deklarata zyrtare e Partisë Socialiste.



(aq/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça