POP 5

Lajmet më të lexuara të 5 minutave të fundit

Bota

Tronditen bursat pas sulmeve në rafineritë saudite të naftës

Arabia Saudite po përpiqet të normalizojë operacionet në fushat kryesore naftëmbajtëse pas sulmeve me dronë që reduktuan në 50% prodhimin e naftës në vend.

Tronditen bursat pas sulmeve në rafineritë saudite të naftës

Arabia Saudite po përpiqet të normalizojë operacionet në fushat kryesore naftëmbajtëse pas sulmeve me dronë që reduktuan në 50% prodhimin e naftës në vend.

Autoritetet në Riad thonë se do të përdorin rezervat kombëtare të naftës për të stabilizuar linjat e furnizimit botëror me naftë.

Bursat europiane e nisën javën me vlera negative, pas hezitimeve të investitorëve për shkak të sulmit. “Investitorët u gjendën të papërgatitur ndaj kthimit të rrezikut gjeopolitik, që i shtohet nga njëra anë shifrave makroekonomike përsëri të këqija në Kinë dhe në anën tjetër një pritjeje disi të ankthshme para FED-it”, u shpreh një analist i Saxo Banque.

Ndërkaq, vazhdon paqartësia lidhur me organizatorët e sulmit që shkaktuan një rënie prej 5.7 milionë fuçish në ditë ose rreth 6% e prodhimit global të naftës në ditë.

Po ashtu mbetet e paqartë pikënisja e raketave që goditën të shtunën objektin saudit të prodhimit të naftës. SHBA akuzojnë Iranin si autor i sulmeve me dronë.

Një zëdhënës ushtarak për grupet kryengritëse huti në Jemen mori përgjegjësi për sulmet dhe u betua të intensifikojë goditjet nëse sauditët vazhdojnë të sulmojnë objektivat e hutive në Jemen.

(Hutitë janë një grup shiit në Jemen që vazhdon të luftojë prej vitesh me forcat qeveritare).

Sekretari i Shtetit, Mike Pompeo fajësoi Iranin për sulmin, duke përjashtuar mundësinë që hutitë të ishin të përfshirë në këtë akt.

“Nuk ka prova që sulmet erdhën nga Jemeni,” tha ai.

Departamenti i Shtetit nuk pranoi të ofronte prova për deklaratat e Pompeo. Irani ka hedhur poshtë njoftimet se kishte lidhje me sulmin.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

‘Repolitix’/ Gjylameti: Programi i PD si ‘Liza në botën e çudirave’, nga 2013! Alimehmeti: PS na ka vjedhur programin, e realizojmë në 100 ditë jo me ‘prit gomar, të mbijë bar’

‘Repolitix’/ Gjylameti: Programi i PD si ‘Liza në botën e çudirave’, nga 2013! Alimehmeti: PS na ka vjedhur programin, e realizojmë në 100 ditë jo me ‘prit gomar, të mbijë bar’

2 Prill, 21:33