Tronditet Franca, gjenden të ngrira në një frigorifer trupat e dy foshnjave

Tronditet Franca, gjenden të ngrira në një frigorifer trupat e dy foshnjave

Një ngjarje e tmerrshme ka ndodhur në Francë, ku të enjten në qytetin Bedoin në rajonin Vaucluse të Francës, në një frigorifer janë gjetur trupat e ngrirë të dy foshnjave, brenda shtëpisë së një gruaje, 41-vjeç, e cila u arrestua nga policia.

“Çështja është në fazën fillestare dhe ngjarjet janë të karakterit kriminal”, tha prokurori, duke sqaruar se zbulimi është bërë në mëngjes, pas një telefonate të një personi të tretë në polici.

41-vjeçarja është një nënë, e cila jeton në këtë qytet rrëzë Mont Ventoux, raportojnë mediat e huaja.

Prokurori deklaroi se për momentin është e pamundur të përcaktohet mosha apo gjinia e foshnjave të gjetura të ngrira, si dhe ndonjë lidhje e mundshme mes tyre apo gruas që mbahet nga policia.

“Është e vështirë në këtë fazë të jepen detaje. Autopsia do të na tregojë më shumë”, këmbënguli prokurori, duke shtuar se u morën mostra për të mësuar më shumë rreth dy fëmijëve.

Raporti mes personit që ka lajmëruar policinë dhe gruas në paraburgim nuk është përcaktuar nga prokuroria.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri