Tronditet Spanja, Federata mund të shkarkojë trajnerin një ditë para Botërorit

Tronditet Spanja, Federata mund të shkarkojë trajnerin një ditë para Botërorit

Trajneri Lopotegui dhe Presidenti i Federatës, Luis Rubiales

Ngjarjet janë duke ndodhur me një ritëm të rrezikshëm që nga goditje e orës 5 pasdite të ditës së djeshme, kur u bë e ditur se Real Madridi ka arritur marrëveshje me kreun aktual të stolit të “La Roja”.

Ndërkohë, nga ora dhjetë e darkës së të martës askush nga Federata Spanjolle e Futbollit nuk guxonte të siguronte që Lopetegui do të ulet në stolin e kombëtares iberike në “Socchi Stadium”, kundër Portugalisë, shkruan Telesport.

Presidenti i Federatës, Luis Rubiales ndihet i tradhëtuar nga ana e teknikut dhe zemërimi i tij po rritet me kalimin e orëve.

Pas mbërritjes në Krasnodar, ku është e grumbulluar për Botëror kombëtarja spanjolle, ai kërkoi shkarkimin e trajnerit, por disa anëtarë të Federatës u përpoqën për ta qetësuar presidentin e plagosur nga ajo që e konsideron mungesë takti nga trajneri.

Presidenti Rubiales, i mërzitur dhe i hutuar, tha me mbërritjen e tij në rezidencën e Krasnodar:

“Kjo nuk është koha për të folur, por ne do të marrim një vendim që i përshtatet më mirë kombëtares.

Ne do të bëjmë gjëra të përgjegjshme”.

Disa nga njerëzit e besuar të presidentit u përpoqën për ta qetësuar presidentin dhe i kërkuan mirëkuptim në fund të një dite, që do të mbahet mend në historinë e Kupës së Botës, por mund të jetë çdo gjë, edhe lamtumira e mundshme e trajnerit.

Megjithatë, edhe nëse Lopotegui qëndron për këtë fazë finale të “Rusia 2018”, çfarëdo që të ndodhë, besimi duket i prishur te Spanja, një nga favoritet për ta fituar trofeun e madh.

Federata Spanjolle e Futbollit sot ndërkohë ka paralajmëuar një konferencë për shtyp, ku nuk është çudi që të bëhet me dije shkarkimi i trajnerit të Kombëtares, edhe pse jemi një ditë larg nisjes së Botërorit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Mbrojnë zemrën dhe ju ndihmojnë me gjumin, vlerat shëndetësore të kajsive

Mbrojnë zemrën dhe ju ndihmojnë me gjumin, vlerat shëndetësore të kajsive