POP 5

Lajmet më të lexuara të 5 minutave të fundit

Kronikë

Tropojë, prishet rruga Kam-Qafë
Luzhë, e përuroi Berisha në 2011

Edhe pse ka dy vjet që është ndërtuar, segmenti Kam-Qafë Luzhë, në rrugën Krumë-Bajram Curri, ndodhet në gjendje tepër të rënduar, duke vështirësuar qarkullimin e automjeteve të vogla. Çarjet e asfaltit dhe gropat e mëdha janë të pranishme në të gjithë gjatësine e tij. (Foto: Rruga e prishur)
Tropojë, prishet rruga Kam-Qafë<br />Luzhë, e përuroi Berisha në 2011
BAJRAM CURRI - Edhe pse ka dy vjet që është ndërtuar, segmenti Qafë Luzhë, në rrugën Krumë-Bajram Curri, ndodhet në gjendje tepër të rënduar, duke vështirësuar qarkullimin e automjeteve të vogla. Çarjet e asfaltit dhe gropat e mëdha janë të pranishme në të gjithë gjatësinë e tij.
 
Rikonstruksioni i këtij segmenti me gjatësi 20 kilometër u bë nga firma ndërtuese “Gener 2” me një fond prej 6 milionë dollarësh. Rruga u shtrua me materiale rrethanore, jashtë standardit, pa nënshtresa dhe pa stabilizant. Për pasojë, trashësia e rrugës është 4 centimetër nga 10 që duhet të ishte.
 
Sipas drejtuesve të automjeteve dhe banorëve të kësaj zone, qarkullimi është tepër i vështirë. Ata ankohen se për shkak të gjendjes së keqe të rrugës, po u prishen makinat.
 
Sipas banorëve të zonës përreth, në këtë aks, në vitin 2011, kur ky segment është inauguruar nga Kryeministri Berisha në prag të zgjedhjeve vendore, është hedhur vetëm një shtresë asfalti dhe askush nuk është marrë më me të.
 
Ky aks ka një rëndësi të veçantë për rrethin e Tropojës, pasi është rruga e vetme lidhëse e këtij rrethi me autostradën e Kukësit.

Redaksia online
(e.s/ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça