Troski: Pse u futa në oborrin e qeverisë
Agron Troski, shtetasi që është akuzuar nga Prokuroria dhe Policia e Tiranës se ka shkatërruar me automjetin e tij derën e Kryeministrisë në 21 janar në 2011, në dëshminë e tij pranoi akuzën duke thënë se ishte i detyruar të kalonte në atë pjesë që të mos përplasë demonstruesit. Po ashtu pohoi se atë ditë doli për të kërkuar fëmijët e tij, pasi mendonte se ishin në protestë.
Në 21 janar 2011 Agron Troski u ndalua nga forcat e policisë së Kryeqytetit, pasi gjatë protestave të organizuara nga opozita, me një automjet tip benz shkallmoi me forcë derën e Kryeministrisë. Gjatë dëshmisë së tij përpara Oficerëve të Policisë Gjyqësore dhe Prokurorëve të çështjes, Agron Troski ka deklaruar rrethanat që e shtynë për të goditur me forcë derën e Kryeministrisë. Sapo është arrestuar ai ka dhënë shpjegime për shkaqet përse e kreu këtë vepër penale, kush e organizoi sulmin, dhe me sa persona të tjerë ka bashkëpunuar. Pasi i dëgjoi pyetjet me radhë, Troski ka thënë se ishte i vetëm dhe nuk ishte i organizuar nga askush, madje ka hyrë në protestë për të gjetur fëmijët e tij. Sipas projurorisë vitin e kaluar rreth orës 17:34 Agron Troski hyri forcërisht me mjetin e tij tip "Mercedes benz" 240 targë TR 8118 B, për në drejtim të territorit të brendshëm të objektit në ndërtesën e Kryeministrisë. Automjeti ka goditur, dëmtuar e prishur pedanën mbrojtëse tek porta e krahut verior të Kryeministrisë. Pas përlasjes, i pandehuri është larguar nga vendi i ngjarjes, duke lenë në vend automjetin e tij të dëmtuar nga përplasja. Pas përfundimit të demostratës, policia gjyqësore ka sekuestruar në cilësinë e provës materiale automjetin e të dyshuarit, si dhe disa pamje filmike nga momentet kur ai tentonte të shkatërronte derën e institucionit. Gjykata e Tiranës pasi grumbulloi të gjitha provat materiale mori masën me 8 muaj heqie lirie ndaj tij.
DëshmiaI pyetur në cilësinë e personit nën hetim Agron Troksi pranoi faktin u fut me mjetin e tij në drejtim të oborrit të Kryeministrisë dhe goditi e dëmtoi pedanën mbrojtëse të derës hyrëse. Agron Troski pretendon se, një veprim të tillë e bëri nga presioni i turmës dhe nga frika e personave të panjohur prej tij në demonstratë. Troski tha: "Atë ditë kisha dalë për të kërkuar fëmijët e mi dhe nga meraku se mos përziheshin me demostruesit dola për të parë se ç'bëhej. Unë e pranoj se e kam prishur derën dhe e kam shkatërruar duke i dhënë më tepër gaz makinës, por këtë gjë e kam vetëm nga presioni që kisha nga rrëmujat. As vetë nuk e kuptoja se isha duke hyrë në ambientet e brendëshme, pasi ishte e vetmja zgjidhje, se kisha frikë mos shtypja njerëzit që ishin duke protestuar. Askush nga ata nuk e kishte mendjen se unë po kaloja me makinë, dhe për t'i mbrojtur nga përplasjet e kalova makinën nga dera. Kur e pashë që u thye, lashë makinën dhe ika në këmbë. Nuk kisha si qëllim të bëja rrëmujë, pasi unë jam hallexhi dhe kam fëmijë për të rritur"-përfundonte deklarata e personit të akuzuar për prishjen e derës së Kryeministrisë. Nga provat shkresore të administruara në dosje rezultoi se, i pandehuri nuk ka patur asnjë kërcënim për jetën e tij apo të familjarëve të tij, apo pronën e tij, nën efektin e të cilit të kryente veprën penale.
(aq/shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
53%
-
Jo
33.2%
-
Nuk e di
13.8%
Vota total: 1791
Votat totale janë unike
Lajme të tjera
-
Tuneli i Llogarasë
29 Korrik, 08:09
-
A ka fuqinë ta shkatërrojë demokracinë një president amerikan?
29 Korrik, 08:08
-
Deputet, nga 'Hiçi'
29 Korrik, 08:07
-
Posti i komisionarit të Zgjerimit të BE-së bëhet sërish tërheqës
29 Korrik, 08:03
-
Ndryshimet në qeveri, pritet dekreti i Begajt! Rama mbledh grupin e PS, pasdite seancë e posaçme në Kuvend
29 Korrik, 07:32
-
A mund të shkaktojë luftë mes Izraelit dhe Hezbollahut sulmi që vrau 12 fëmijë?
29 Korrik, 07:29
-
Rikthehet i nxehti afrikan, sot temperatura deri në 40 gradë celsius
29 Korrik, 07:21
-
Një pikë kthese që mund të sjellë ndryshime në jetë...çfarë thonë yjet për ju sot
29 Korrik, 07:14
-
Mero Baze: Disa këshilla për folësen e shkëlqyer Helena Kaçi
28 Korrik, 22:55
-
Veliaj: Kongresi, përgatitje për fitoren e madhe të Edi Ramës dhe PS-së në 2025: Më e mira është përpara
28 Korrik, 22:49
-
Elbasan/ Burri plagosi me thikë ish gruan, arrestohet, 48 vjeçarja dërgohet në spital (EMRI)
28 Korrik, 22:45
-
Erdogan kërcënon Izraelin: Ashtu siç kemi hyrë në Karabak dhe Libi, do bëjmë të njëjtën gjë me ta
28 Korrik, 22:26