POP 5

Lajmet më të lexuara të 5 minutave të fundit

Sociale

Drejt Punës

Trotuaret e Fierit mbushen me prodhime artizanale, nënat duararta: Kemi shumë kërkesa, por po i shesim në rrugë mes të ftohtit e pluhurit (VIDEO)

Nënat duararta në Fier vijojnë traditën e tyre të thurjes së punimeve me dorë. Çdo ditë ato mbushin trotuaret e rrugëve për të shitur punimet e tyre për të nxjerrë të ardhura. Të moshuarat detyrohen t’i shesin këto prodhime artizanale në rrugë me te ftohtin prezent dhe pluhurin e rrugës.

FIER- Në kujtimet e fëmijërisë secili prej nesh ndan imazhet e gjysheve të ulura në një cep duke punuar me shtiza. Duart e tyre edhe pse të rrudhura nga vitet e jetës sërish nuk ndienin lodhje, madje kalonin gjithë natën duke thurur triko e çorape shumëngjyrëshe. Për festat e fundvitit për nipërit e mbesat një triko me një bredh të qëndisur ishte dhurata perfekte.

Kjo traditë ka arritur të mbijetojë edhe me kalimin e viteve sërish nënat vijojnë punimet me dorë. Por tashmë disa prej tyre thurin triko e çorape për të siguruar të ardhura. Gratë fierake çdo ditë mbushin trotuaret e qytetit me punime me shtiza të ndërthurura me shumë mjeshtëri, pasion dhe përkushtim. Edhe pse moti është i ftohtë sërish duart e tyre nuk ndalojnë së punuari me shtiza.

Një nga të moshuarat thotë se ka shumë kërkesa për shitje të punimeve me dorë dhe që të ardhurat që fitojnë i nevojiten për të përballuar jetesën pasi nuk i mjaftojnë vetëm paratë që marrin nga pensioni.

“Ne dalim çdo ditë dhe shesim punët e dorës çorape, fanella dalim kompensojmë pensionin sepse pensioni aq është. Kemi edhe shumë kërkesa, i marrim dhe i bëjmë dhe vinë i marrin klientët. Këtu jemi vendosur 8 gra dhe dalim ditë për ditë”, tha një nga të moshuarat.

Punimet artizane vlerësohen shumë nga turistët e huaj, por edhe vendas. Gjatë stinës së dimrit ka edhe më shumë fluks shitjesh pasi këto punime janë edhe të ngrohta. Por problemi i këtyre nënave është që nuk kanë një vend në Fier për të shitur produktet e tyre, të cilat janë një traditë kulturore më vete. Ato detyrohen t’i shesin në rrugë ku i ftohti dhe pluhuri i makinave është prezent.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vlore: 04/01/2020 22:04

    Nenat po se çupat punojnë tjetersoj..

    Përgjigju
  • Lui: 04/01/2020 16:51

    Ju lumte per vullnetin qe keni. Por ju duhet mos rrini ne rruge. Dhe eshte teper e thjeshte. Meqe paskeni shume kerkesa, atehere ose mos dilni fare dhe punoni ne shtepi e shisni me telefon. Ose behuni te gjitha bashke dhe merrni nje dyqan me qira ku te paraqisni punet tuaja.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sarandë/ Aksident pranë fshatit Shijan, makina kthehet përmbys në një kanal gjatë rrugës! Lëndohen dy persona dhe dërgohen me urgjencë në spital

Sarandë/ Aksident pranë fshatit Shijan, makina kthehet përmbys në një kanal gjatë rrugës! Lëndohen dy persona dhe dërgohen me urgjencë në spital

26 Dhjetor, 10:00