Pas fitores në procesin gjyqësor në Senat që synonte shkarkimin tij, Presidenti amerikan Donald Trump u shfaq të enjten duke tundur një nga të përditshmet amerikane e cila shkruante me shkronja kapitale "i pafajshëm", si dhe me kritika të ashpra ndaj kundërshtarëve të tij.
Disa orë pasi e tregoi të njëjtën gazetë para të pranishmëve në Mëngjesin e Lutjeve, zoti Trump bëri të njëjtën gjë përpara se të niste fjalimin në Shtëpinë e Bardhë rreth asaj që e cilësoi një "festë" mbi lirimin e tij nga akuzat e ngritura nga Dhoma e Përfaqësuesve.
Zoti Trump këmbënguli jo për herë të parë se ai nuk ka bërë asgjë të keqe, duke shtuar se: "ne kaluam padrejtësisht nëpër një situatë tejet të vështirë".
Gjatë ceremonisë së përvitshme Mëngjesi i Lutjeve Presidenti Donald Trump, i cili përballet me një fushatë të ashpër për t’u rizgjedhur i quajti "të pandershëm dhe të korruptuar" demokratët të cilët u përpoqën ta shkarkojnë, ndërkohë që akuzoi disa prej armiqve të tij politikë se kanë përdorur fenë për të justifikuar veprimet e tyre të gabuara. Megjithëse nuk e përmendi me emër zoti Trump i referohej senatorit republikan Mitt Romney, lidhur me votën e tij pro akuzës për abuzim me detyrën.
"Siç e dinë të gjithë", - tha Presidenti Trump, - familja ime, vendi ynë i shkëlqyer dhe Presidenti juaj u vu në një provë të tmerrshme nga disa njerëz shumë të pandershëm dhe të korruptuar". “Ata bënë gjithçka ishte e mundur për të na shkatërruar dhe duke vepruar kështu e dëmtuan shumë vendin tonë”, tha Presidenti Trump.
Të merkurën në një votim kryesisht në linja partiake, Senati e liroi Presidentin Trump nga akuzat për shpërdorim detyre dhe pengim të Kongresit, duke votuar kundër shkarkimit të tij.
Presidenti Trump po kandidon për zgjedhjet që do të mbahen më 3 nëntor dhe gëzon mbështetje të fortë nga të krishterët ungjillorë dhe katolikët konservatorë. Pa përmendur emra, ai kritikoi disa nga kundërshtarët e tij se përdorën besimin fetar për të justifikuar veprimet e tyre gjatë procesit në Senat.
Senatori republikan Mitt Romney, i cili është mormon, përmendi besimin e tij fetar kur votoi për shkarkimin e Presidentit Trump në Senat nën akuzën për shpërdorim pushteti.
Pas votimit në Senat, demokratët duket se janë të pasigurtë për hapat e tyre të ardhshme në hetimet kundër Presidentit./VOA
Komente
Lajme të tjera
-
Universitetet amerikane u bëjnë thirrje studentëve të huaj të kthehen përpara inaugurimit të Trump
27 Dhjetor, 08:51 -
Ministrat e kryeministrit kanadez Trudeau në Florida për bisedime me ekipin e Trump
27 Dhjetor, 07:57 -
Donald Trump tallet përsëri me kryeministrin Trudeau dhe 'emëron' ish-lojtarin e hokejit si guvernatorin e ri të Kanadasë!
26 Dhjetor, 19:08 -
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49
