"Ne shpresojmë se zhvillimi ekonomik dhe krijimi i vendeve të punës do të ndryshojë peisazhin politik të rajonit. Presidenti Trump me tha shko dhe nëshkruaj një marrëveshje që bazohet në krijimin e vendeve të punës"

Kështu deklaroi i dërguari i posaçëm i Shtëpisë së Bardhë për dialogun mes Kosovës dhe Serbisë, Richard Grenell.

Ai tha gjithashtu se në muajt në vijim Shtetet e Bashkuara do të dërgojnë një ekip për të krijuar dy studime fizibiliteti për krijimin e vendeve të punës.

Marrëveshja u nënshkrua nga Kryeministri i Kosovës Avdullah Hoti dhe Adam Boehler, kryeshefi ekzekutiv i Koorporatës Ndërkombëtare të Financave dhe Zhvillimit në SHBA (DFC)  dhe synon përfundimin e shpejtë të një Marrëveshjeje të Re për Nxitjen e Investimeve Kosovë-SHBA".

Sipas kryeministrit kosovar Avdullah Hoti  kjo tregon seriozitetin e presidentit amerikan , Donald Trump në realizimin e marrëveshjes së arritur më 4 shtator.

"Kishim bisedë të gjerë dhe detajizuar për gjitha pikat e marrëveshjes. Do të lëvizim shpejt për realizimin e kësaj marrëveshjeje.

Para nënshkrimit  Presidenti Hashim Thaçi dekoroi me “Medaljen Presidenciale të Meritave” ambasadorin Richard Grenell, moment i cili u shoqërua me të qeshura pasi përkthyesi hasi vështirësi në përkthim, por doli nga situata me ndihmën e presidentit.

Nga Prishtina, delegacioni amerikan pritet të udhëtojë në Beograd ku do të takojnë presidentin Aleksandër Vuçiç dhe kryeministren Ana Brnabic, më pas ata do të vizitojë Greqinë dhe Izraelin.