Ndryshimi i regjimit në Iran do të ishte "gjëja më e mirë që mund të ndodhte", tha  presidenti amerikan Donald Trump gjatë një interviste me gazetarët.

Sa i përket asaj se kë do të preferonte të zëvendësonte ajatollahët, presidenti amerikan u përgjigj: "Nuk dua të flas për këtë".

Trump përsëriti se për të shmangur veprimet ushtarake, Teherani duhet të bëjë një "marrëveshje".

"Historikisht, ata nuk e kanë bërë këtë. Do të thoja se duan të flasin. Por deri më tani, ata kanë folur shumë dhe nuk kanë vepruar", shtoi ai.

Ndërkohë sipas New York Times, duke cituar zyrtarë të Uashingtonit, Trump, po shqyrton mundësinë e goditjes së vendeve bërthamore dhe balistike të Iranit dhe dërgimin e ushtrisë nëse bisedimet bërthamore me Teheranin dështojnë.

Për momentin, ekipi i sigurisë kombëtare i Trump e ka bindur atë të mos ndërhyjë, ndërsa Pentagoni po forcon aftësitë e tij në rajon dhe po forcon mbrojtjen në njëmbëdhjetë vende që mund të jenë të ndjeshme ndaj hakmarrjes iraniane, shkruan më tej NY.

"Presidenti Trump ka të gjitha mundësitë në tryezë në lidhje me Iranin. Ai dëgjon perspektiva të ndryshme për çdo çështje, por merr vendimin përfundimtar bazuar në atë që është më e mira për vendin tonë dhe sigurinë kombëtare", tha zëvendëssekretarja e shtypit e Shtëpisë së Bardhë, Anna Kelly.