Trump nën 37 akuza për zbulimin e sekreteve shtetërore të SHBA, dokumentet e programit bërthamor i mbante në dush dhe në një sallë vallëzimi

Ish-presidenti Donald Trump ditën e djeshme është akuzuar nga Gjykata Federale e Floridës për keqpërdorim të qindra dokumenteve të klasifikuara, duke përfshirë sekretet bërthamore të SHBA-së dhe planet ushtarake.

Aktakuza me 37 pika e akuzon atë për mbajtjen e dosjeve sekrete në një sallë vallëzimi dhe në dush. Sipas aktakuzës, mes dokumenteve ishin disa nga sekretet më të ndjeshme ushtarake amerikane, përfshirë informacion mbi programin bërthamor të SHBA-së dhe pikat e dobëta të mundshme brenda vendit në rast të një sulmi.

Më tej pretendohet se ai më pas u përpoq të pengonte hetimin për trajtimin e dokumenteve. Trump, i cili kandidon sërish për president në vitin 2024, mohon çdo akuzë të bërë ndaj tij.

Por ekspertët ligjorë thonë se akuzat penale kundër zotit Trump mund të çojnë në burgim të konsiderueshëm nëse ai dënohet.

Akuza janë ngritur edhe kundër Ëalt Nauta, një ndihmës personal i zotit Trump. Ish zyrtari ushtarak i Shtëpisë së Bardhë akuzohet se ka lëvizur dosjet për t'i fshehur ato nga FBI.

Dokumenti prej 49 faqesh përmban akuzat e para federale kundër një ish-presidenti të SHBA. Në aktakuzë thuhet se dokumentet e klasifikuara që zoti Trump ruante në kutitë e tij përmbanin informacione rreth:

Programeve bërthamore të Shteteve të Bashkuara

Aftësitë e mbrojtjes dhe armëve të Shteteve të Bashkuara dhe të vendeve të huaja

Dobësitë e mundshme të Shteteve të Bashkuara dhe aleatëve të saj ndaj sulmeve ushtarake

Planet për hakmarrje të mundshme në përgjigje të një sulmi të huaj

Prokurorët thonë se kur zoti Trump la detyrën, ai mori rreth 300 dosje të klasifikuara në Mar-a-Lago, një shtëpi e tij buzë oqeanit në Palm Beach, i cili është gjithashtu një klub i gjerë i anëtarëve privatë.

Fleta e akuzës vë në dukje se Mar-a-Lago organizoi ngjarje për dhjetëra mijëra anëtarë dhe të ftuar, duke përfshirë një sallë vallëzimi ku u gjetën dokumente.

Prokurorët thonë se zoti Trump u përpoq të pengonte hetimin e FBI-së për dokumentet e humbura, duke sugjeruar që avokati i tij t'i  “fshihte ose shkatërronte" ato, ose t'u thoshte hetuesve se nuk i kishte.

"A nuk do të ishte më mirë sikur t'u thoshim se nuk kemi asgjë këtu?" Trump i tha njërit prej avokatëve të tij, sipas aktakuzës.

Paraqitja e parë e zotit Trump në gjykatë në këtë rast do të jetë në Miami, Florida, të martën - në prag të ditëlindjes së tij të 77-të.

Rendit zhvillimet sipas orarit:
Ora 14:13
Aktakuza me 37 shkelje, Donald Trump mund të dënohet me 400 vite burg dhe gjobë prej 9 milionë dollarësh

1686288725_donaldtrump.JPG

Në aktakuzën prej 49 faqesh kundër Donald Trump, zbulohet se ish presidenti i SHBA me qindra vite dënim dhe gjobë miliona dollarëshe për keqpërdorimin e dokumenteve të klasifikuara.

76-vjeçari është akuzuar nga prokurori i posaçëm Jack Smith për shkelje të shtatë ligjeve të ndryshme federale mes 37 akuzave të veçanta në aktakuzë.

Sipas mediave të huaja, ka shumë mundësi dënimi, por nëse Trump i jepet dënimi maksimal për çdo akuzë dhe gjyqtari urdhëron që dënimet të kryhen në mënyrë të njëpasnjëshme, atëherë dënimi mund të jepet deri në 400 vjet burg dhe gjobë prej 9.25 milionë dollarësh.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 10/06/2023 12:16

    Nga momenti qe Trump nuk mbeshtet politiken e pushtimit dhe grabitjes se vendeve te tjera ja ben pucin ndyresirat e lobeve kriminale qe komandojne por dhe atyre fundi po ju vjen do marin ate qe meritojne

    Përgjigju
  • Sondazhi i ditës:

    Shqipëria në krah të Kosovës, nuk mbështet qëndrimin e BE-së: Si e gjykoni?



×

Lajmi i fundit

Sulmi me armë zjarri në Rotterdam, viktimat janë dy gra, një 14-vjeçare e plagosur

Sulmi me armë zjarri në Rotterdam, viktimat janë dy gra, një 14-vjeçare e plagosur