WASHINGTON – Vendimi për të zhvendosur, për shkak të të ftohtit arktik në Washington, ceremoninë e 20 janarit të betimit të Donald Trump brenda ndërtesës së Kapitolit, në Rotondë, ashtu siç ndodhi për Ronald Reagan në vitin 1985, u mor të premten.
Ekipi i Trumpit shpalli në rrjetet sociale se edhe parada do të mbahet në një arenë me kapacitet prej 20 mijë vendesh, një numër shumë i vogël për një ceremoni inaugurimi. Për shërbimet sekrete kjo do të jetë padyshim më e lehtë, pas dy përpjekjeve për atentat. Gjithashtu, do të ketë më pak shqetësime për krahasimet mes madhësisë së turmës në këtë dhe ceremonitë e tjera të inaugurimit. Humbësit janë mediat, të cilat do të kenë akses shumë të kufizuar, edhe pse ceremonia do të transmetohet në televizion.
Giorgia Meloni ka zyrtarizuar praninë e saj dhe do të shoqërohet nga një delegacion i FdI, përfshirë Carlo Fidanza, kreun e delegacionit në Parlamentin Evropian, Andrea Di Giuseppe, i zgjedhur në SHBA, dhe Antonio Giordano, sekretar i përgjithshëm i Partisë së Konservatorëve dhe Reformistëve Evropianë. Trump ka ndryshuar protokollin (i cili zakonisht nuk përfshin liderë të huaj) duke ftuar disa prej tyre. Konfirmimin e kanë dhënë argjentinasi Javier Milei, presidenti i Ekuadorit Daniel Noboa, ndërsa Viktor Orbán nuk pritet të jetë i pranishëm (por mund të ndryshojë mendje), ndërsa presidenti kinez Xi Jinping do të dërgojë zëvendëspresidentin Han Zeng, një pjesëmarrje që CNN e ka cilësuar historike. Ish-presidenti brazilian Jair Bolsonaro gjithashtu dëshironte të merrte pjesë, por pasaporta i është konfiskuar për shkak të hetimeve kundër tij. Gjatë përcjelljes së gruas së tij në aeroport, që udhëtonte drejt Washingtonit, ai deklaroi se ishte viktimë e përndjekjes politike.
Në ceremoni pritet të marrë pjesë edhe presidenti i zgjedhur i Venezuelës, Edmundo González Urrutia, dhe ndoshta Nayib Bukele i Salvadorit, të cilin republikanët e shohin si model në luftën kundër kriminalitetit. Japonia dhe India do të përfaqësohen nga ministrat e Jashtëm. Nga e djathta ekstreme evropiane pritet të jenë britaniku Nigel Farage, francezët Marion Maréchal dhe Eric Zemmour, një nga liderët e partisë gjermane AfD, Tino Chrupalla, lideri i partisë spanjolle Vox, Santiago Abascal, dhe kreu i partisë së djathtë portugeze Chega, André Ventura. ‘Babai’ i Brexit, Nigel Farage do të jetë atje, por jo kryeministri laburist Keir Starmer.
Do të jenë të pranishëm edhe personalitete të mëdha të teknologjisë: Elon Musk, Jeff Bezos, Mark Zuckerberg, CEO i TikTok Shou Zi Chew, i OpenAI Sam Altman, i Apple Tim Cook, i Google Sundar Pichai dhe Xavier Niel i Iliad.
Siç është traditë, do të marrin pjesë presidenti në largim Joe Biden dhe bashkëshortja e tij Jill, së bashku me zëvendëspresidenten Kamala Harris (e mposhtur në zgjedhje) dhe bashkëshortin e saj, ndonëse Donald dhe Melania Trump nuk morën pjesë në ceremoninë e inaugurimit të Biden katër vite më parë. Në ceremoni do të jetë gjithashtu ish-presidenti Barack Obama, por pa bashkëshorten e tij Michelle, e cila në kongresin demokratik në Chicago mbajti një fjalim të ashpër kundër trumpizmit (duke ftuar njerëzit të "bëjnë" dhe jo vetëm të flasin). Ursula von der Leyen nuk është ftuar. Të pranishëm do të jenë George W. Bush me bashkëshorten Laura, Bill dhe Hillary Clinton. Mike Pence, ish-zëvendëspresidenti i Trumpit, po shqyrton mundësinë për të marrë pjesë, edhe pse marrëdhënia e tyre u prish kur ai refuzoi të përmbyste rezultatin zgjedhor në vitin 2020. Rotonda, ku do të zhvillohet ceremonia, është një nga vendet e pushtuara nga rebelët më 6 janar 2021.
Në inaugurim do të performojnë këngëtarja e muzikës country Carrie Underwood dhe tenori Christopher Macchio, ndërsa Village People me hitin e tyre "Y.M.C.A." do të marrin pjesë në aktivitete të tjera. Presidenti do të betohet për mbrojtjen e Kushtetutës mbi të njëjtat dy Bibla të përdorura në vitin 2017: ajo që përdori Lincoln në inaugurimin e tij të vitit 1861 dhe ajo që Donaldit ia dhuroi nëna e tij në vitin 1955.
Trump rikthehet për herë të dytë në Shtëpinë e Bardhë dhe është presidenti i 47-të i Shteteve të Bashkuara. Trump do të betohet në 12:00, me orën lokale, ndërsa në Europë dhe vendin tonë përkon në orën 18:00. Ceremonia mbahet brenda Kapitolit. Në një nga veprimet e tij të para si president, Trump pritet të marrë pjesë në një nënshkrim tradicional të një numri urdhrash ekzekutivë për të nisur fillimin e administratës së tij.
Komente
Lajme të tjera
-
TikTok mbyllet në SHBA! Mesazhi për përdoruesit: Për fat të mirë vjen Trump (që ka gati një urdhër presidencial për të shtyrë bllokimin)
19 Janar, 07:37 -
Pas 40 vjetësh, inaugurimi presidencial në SHBA bëhet brenda Kapitolit
18 Janar, 20:52 -
Osmani delegon një përfaqësi nga kabineti i saj në inaugurimin e Trump
18 Janar, 19:57 -
Trump thotë se me 'shumë mundësi' do të shtyjë mbylljen e TikTok në SHBA, por nuk ka marrë një vendim përfundimtar
18 Janar, 19:38 -
SHBA/ Ashpërsimi i politikave për emigracionin me ardhjen e Trump dhe beteja e pritshme për emigrantët
18 Janar, 16:19 -
E ardhmja e rrjetit TikTok në SHBA
18 Janar, 16:11 -
Ambasadori shqiptar do të shkojë tek ceremonia e inaugurimit të Trump! KQZ i jep OK: Ka ftesën e Shtëpisë së Bardhë
18 Janar, 12:22
-
Në rrugët e Moskës, kthimi i Trump në Shtëpinë e Bardhë nuk do të sjellë një fund të shpejtë të konfliktit në Ukrainë
18 Janar, 10:43 -
U përfolën se ishin drejt ndarjes Barack Obama uron bashkëshorten: Gëzuar ditëlindjen dashuria e jetës sime
18 Janar, 09:56 -
Prej 2 javësh e shtruar në spitalin psikiatrik të New York-ut, Parashqevi Simaku pranon të kurohet
18 Janar, 09:18 -
SHBA/ Senati drejt miratimit të ligjit për arrestimin e emigrantëve
17 Janar, 22:28 -
Skënder Minxhozi: Rroftë Trump, poshtë Kushner!
17 Janar, 21:50
