POP 5

Lajmet më të lexuara të 5 minutave të fundit

Bota

Trump rrëzon kërkesën e Zelenskyt për anëtarësimin në NATO: Furnizim me armë, pezullim i luftës

Plani i Donald Trump për paqen nuk parashikon futjen e Ukrainës në NATO. Mediat raportojnë se diskutimet e presidentit të zgjedhur me këshilltarët e tij të sigurisë parashikojnë një plan sipas të cilit ukraina do të furnizohet fuqishëm më armë për t’u mbrojtur, palët ngrijnë menjëherë luftën duke i lënë territoret siç janë të pushtuara dhe më pas nisin negociatat

Edhe Donald Trump përjashton futjen e Ukrainës në NATO si një mundësi për arritjen e paqes mes saj dhe Rusisë.

Reuters dhe mediat perëndimore raportojnë këtë të martë se këshilltarët e sigurisë janë në bisedime intensive me Presidentin e zgjedhur, të cilit po i hedhin alternativa të ndryshme në tavolinë për t’i zyrtarizuar në një proces negociatash, por mesa kuptohet deri më tani, propozimi që duket më pranë atij final për negociata është humbja e territoreve nga Ukraina dhe mbi të gjitha mos futja e saj në NATO, por furnizimi i fuqishëm me armë, në këmbim të tërheqjes nga lufta. Futja në NATO e Ukrainës madje siç kuptohet nga këto informacione as që konsiderohet si një alternativë.

Donald Trump ka emëruar Keith Kellogg, një general në pension si të dërguar special për Ukrainën. Plani i tij sipas asaj që zbuloi më herët një ish zyrtar i CIA përmban 3 pika.

E para është pezullimi i luftës pikërisht në pozicionet ku ndodhen ushtritë që do të thoshte humbje e shumë territoreve nga Ukraina.

Pika e dytë parashikon furnizim me armë të Ukrainës që ajo të bindet të neogiciojë dhe pika e tretë ka të bëjë më bindjen e Rusisë për nisjen e negociatave.

Ndërkohë  burime zyrtare në NATO, thonë se Rusia po pushton territore me ritme të shpejta, duke aneksuar deri ne 10 km në ditë.

Rusia e konsideroi një skenar kërcënues futjen e Ukrainës në NATO ndërsa vetë Zelensky publikisht foli për një humbje territoresh përkohësisht në këmbim të futjes së NATO.

Xh.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54