Bota

Trump thirrje për unitet në ditëlindjen e Amerikës (VIDEO)

Përleshje të dhunshme në Shtëpinë e Bardhë. Biden: Ngjarje për të përkëdhelur egon e Trump

Redaksia 5 Korrik 2019, 09:36 | Përditesimi: 5 Korrik 2019, 12:21

"Amerika e sotme është më e fortë se kurrë". Me këtë frazë, nën një shi të imët dhe përtej një xhami antiplumb, Presidenti amerikan Donald Trump shkoi përpara statujës së Linkolnit për ti thurrur tribute 243 Vjetorit të Shpalljes së Pavarësisë së Amerikës, ditës së bekuar që u parapri nga grindje mes demokratëve dhe trampianëve.

Në kulmin e festimeve, në pasditen e vontë, përpara Shtëpisë së Bardhë, grupe pro dhe anti Trump, u përleshën me njëri tjetrin, spërkatën dy flamuj me benzinë dhe i vunë flakën.

Paralelisht, në sheshin Linkoln, Presidenti Trump listoi një seri emrash që ndërtuan Amerikën dhe e bënë atë të fortë, revolucionar, politikan, industrialist e deri sportistë.

LEXO EDHE:
NBA/ Lakers bien sërish, Cleveland të pamposhtur këtë sezon! Golden State fiton me kampionët e Celtics

"Ne jemi një vend i jashtëzakonshëm", tha Trump duke përmendur të drejtat civile, Superball, rrokaqiejt, urat e varura, industrinë e makinave, deri madje dhe “pushtimin” e Hënës.

Fjalimi i Presidentit amerikan shpesh u ndërpre nga parada ajrore e Air Force One dhe bombarduesve B-2.

Në mbëmje, më shumë se 1 milion njujorkezë u shpërngulën në brigjet e East River, midis Manhatanit dhe Bruklin, për të shijuar spektaklin e fishekzjarreve.